LEXO PA REKLAMA!

SHKARKO APP

Meta kërkon të marrë drejtimin e opozitës/ Vangjeli vlerëson Berishën

14 Shtator 2022, 13:03, Politikë CNA
Meta kërkon të marrë drejtimin e opozitës/ Vangjeli
Analisti Lorenc Vangjeli

Analisti Lorenc Vangjeli, ka deklaruar se kreu i Partisë së Lirisë, Ilir Meta, kërkon të marrë drejtimin e opozitës.

I ftuar në "MCN Live", Lorenc Vangjeli, tha se Meta po tenton të imponohet si drejtues i opozitës së bashkuar.

“Protesta ka të bëjë më tentativën e fortë të Ilir Metës për të marrë drejtimin e opozitës. Kjo bëhet për të shmangur kontraditën, që inceneratorët si kalë beteje i Partisë së Lirisë...Ka pasur më shumë sukses përmes dosjes, fakteve, se sa duke tentuar të bësh një shoë të tillë, që në përmbajtje nuk afron asgjë të shtuar. LSI duke qenë në minorancë brenda për brenda opozitës, po tenton të luajë me ide përballë mungesës së numrave. Ndërkohë që në krah ka një PD që ka numra, por s’ka ide. Edhe në qasjen ndaj inceneratorëve janë të ndryshëm. Nëse njëra parë ka vetëm algoritmin e ndeshjes në mënyrë të egër. Partia e Lirisë po tenton të japë prova. Meta po tenton të imponohet si drejtues i opozitës së bashkuar”, tha Vangjeli.

Ndër të tjera, Vangjeli ka vlerësuar kreun e PD-së, Sali Berisha, duke thënë se opozita shqiptare është duke u rithemeluar.

“Është e dukshme që opozita shqiptare është duke u rithemeluar, është një opozitë që nuk shitet, nuk blihet dhe as jepet me qira. Nëse deri para një viti në orën 12:00 në PD qëndronte vetëm roja i parkingut, sot me stilin e vjetër dhe bolshevik Berisha qëndron deri në 12:00 të natës”, është shprehur Lorenc Vangjeli./ CNA.al

 

Lajmet e fundit nga