web counter
LEXO PA REKLAMA!

SHKARKO APP

App Store
Google Play

Vizita urgjente e Albin Kurtit në Tiranë/ Gazetari zbulon detajet nga takimi me Ramën: Situata serioze

13 Shtator 2022, 19:35, Politikë CNA
Vizita urgjente e Albin Kurtit në Tiranë/ Gazetari zbulon detajet nga
Albin Kurti e Edi Rama

Vizita e papritur e Albin Kurtit në Tiranë dhe biseda kokë më kokë me kryeministrin Edi Rama për më shumë se 2 orë, ka ngritur mistere.

Gazetari Bledian Koka ka zbuluar se një nga temat e bisedës mes Ramës dhe Kurtit ka qenë sulmi kibernetik në mënyrë masive ndaj Shqipërisë dhe më pak ndaj Kosovës.

Në studion e ‘Task Forcë’, Koka tha se takimi urgjent i mbajtur në Tiranë ka ardhur pas një bisede telefonike mes sekretarit të Shtetit, Antony Blinken dhe Ramës, dhe situata duket se është më e rëndë sesa është raportuar deri më tani nga qeveritë respektive të dy vendeve.

‘Gjithë ky mister, nxitim, nevojë për tu takuar ballë për ballë, braktisja e konferencës nga ana e Kurtit, na bën të mendojmë se ndoshta situata është më serioze se është thënë dhe nëse është e tillë, do bënin mirë që autoritetet si në Kosovë dhe në Tiranë të informonin qytetarët, pasia nuk është çështja e sigurisë së dy kryeministrave, por mbarëvajtjes kombëtare.

Po të shikosh dhe reagimet që kanë ardhur edhe përtej Kosovës, ka mesazhe që flasin për nevojën për ti ulur të gjitha mosmarrëveshjet që kemi mes vetit dhe të bëhet fjalë për një unitet. Zakonisht këto bëhen kur kërcënimi është shumë serioz’, u shpreh gazetari./CNA.al





Lajmet e fundit nga