web counter
LEXO PA REKLAMA!

SHKARKO APP

App Store
Google Play

"Ora e drejtësisë po vjen"/ Meta paralajmëron ndëshkim, harron veten

13 Shtator 2022, 19:33, Politikë CNA
"Ora e drejtësisë po vjen"/ Meta paralajmëron
Kryetari i partisë së inceneratorëve, Ilir Meta

Kryetari i partisë së inceneratorëve, Ilir Meta, ka paralajmëruar ndëshkim për aferën e inceneratorëve, gjatë fjalës së tij në protestën që u mbajt në landfillin e Sharrës.

Meta tha se askush nuk do të shpëtojë pa u ndëshkuar dhe se ora e drejtësisë po vjen.

“Duhet të bliheshin me lekët e inceneratorëve votat e shqiptarëve, ndaj edhe nuk u mor asnjë veprim. Kjo qeveri ilegjitime ka vetëm një qëllim, të vjedhë dhe të shtypë popullin. Ka vetëm një mision shndërrimin e Shqipërisë në parajsë për mafien dhe ferr për qytetarët. Ndaj jemi sot këtu dhe do të vijmë përsëri, dhe do të shkojmë në çdo skenë krimi për t’u bërë të qartë të gjithëve se nuk do të shpëtojnë. Drejtësia është e popullit.

T’u bëjmë të qartë se këto firma tashmë janë pronë e të gjithëve dhe askush nuk do të shpëtojë pa u ndëshkuar. Jemi këtu për t’u bërë thirrje punonjësve të administratës, mos u përdorni nga Rama dhe mos u bëni bedelë për interesat e tij. Zbatoni ligjin, ora e drejtësisë po vjen sepse populli shqiptar nuk ka më çfarë humbet. Ju falënderoj për këtë pjesëmarrje, për qytetarinë tuaj dhe jam i sigurt se përmes protestave do të vendosim demokracinë. Në një vend ku institucionet kanë rënë për shkak të iligjitimitetit e vetmja mënyrë për të vendosur demokraci është ngritja e popullit”, theksoi ish-presidenti./ B.A. – CNA.al





Lajmet e fundit nga