web counter
LEXO PA REKLAMA!

SHKARKO APP

App Store
Google Play

E fundit!

x

Kreu i Partisë së inceneratorëve kthehet në "vendin e krimit"

13 Shtator 2022, 12:48, Politikë CNA

Kreu i Partisë së inceneratorëve kthehet në "vendin e

Kreu i Partisë së inceneratorëve, Ilir Meta, në një deklaratë për mediat, është rikthyer në "vendin e krimit", tek inceneratorët, duke e quajtur, një skemë kriminale.

Teksa u ka bërë thirrje qytetarëve të protestojnë tek inceneratori i Tiranës, Meta është shprehur se kjo skenë krimi ndodh përmes vjedhjes së taksave të tyre dhe përmes mashtrimeve të qeverisë.

“Edhe pak orë na ndajnë nga protesta në vendkrim tek inceneratori i Tiranës në orën 18:00. Dua të falënderoj të gjithë qytetarët që kanë shprehur sensibilizimin e tyre lidhur me këtë çështje, sidomos qytetarët e kryeqytetit, të cilët janë të parët që lidhen përmes kësaj afere mafioze që çdo ditë gjeneron dhjetëra mijëra euro për persona në kërkim, të cilët mbrohen nga koka e kësaj afere që është kryeministri aktual, Edi Rama.

Dëshiroj të ftoj të gjithë qytetarët të jenë sot të pranishëm në këtë skenë krimi që ndodh përmes vjedhjes së taksave të tyre dhe përmes mashtrimeve të qeverisë dhe përmes funksionimit të drejtësisë me regji për t'i thënë mjaft kësaj historie që e ka katandisur vendin tonë të jetë në botë ndër të parët për nivelin e korrupsionit.

Mafia duhet të ndalet sot. Duhet ekzektuar frika që mafia tenton të mbjellë kudo. Ne nuk mund të jemi një vend që të mposhtet nga dhuna dhe nga mafia në pushtet”, ka thënë Meta ndër të tjera./ CNA.al





Lajmet e fundit nga