web counter
LEXO PA REKLAMA!

SHKARKO APP

App Store
Google Play

24 vite nga vrasja/ Basha përkujton Azem Hajdarin në "Facebook"

12 Shtator 2022, 16:47, Politikë CNA
24 vite nga vrasja/ Basha përkujton Azem Hajdarin në
Azem Hajdari, ish-lideri i lëvizjes studentore të Dhjetorit

Ish-kryetari i Partisë Demokratike, Lulzim Basha, ka reaguar në rrjetet sociale, për të përkujtuar ditën e rënies së Azem Hajdarit, i cili u vra si sot 24 vite më parë.

Me anë të një statusi në "Facebook", Basha e cilëson Hajdarin simbol të demokracisë, ndërsa thotë se përkushtimi dhe sakrifica e tij do të mbeten përherë burim frymëzimi.

“12 shtatori i 24 viteve më parë është gdhendur në kujtesën e çdo shqiptari e në veçanti të çdo demokrati, si dita kur u vra pabesisht një simbol i demokracisë. Azem Hajdari, lideri i Lëvizjes Studentore, mishëroi me veprën e tij vullnetin e një populli të tërë për t’u përballur me diktaturën komuniste dhe për të sjellë ndryshimin e shumëpritur.

Përkushtimi dhe sakrifica e Azem Hajdarit kanë qenë dhe do të mbeten përherë burim frymëzimi për të gjitha brezat, sidomos për më të rinjtë, të cilët gjejnë te vepra e tij tiparet e kurajos qytetare, që përmes angazhimit vetmohues e kthen politikën në një mjet në shërbim të së mirës, që nuk i tutet as dhunës, as krimit dhe as korrupsionit.

Ndaj emri i tij do të kujtohet përherë me mirënjohje dhe krenari, si dëshmia më e bukur e dëshirës dhe energjisë së pandalshme të një populli për të luftuar për liri dhe për të ndërtuar nëpërmjet fryteve të saj një të ardhme më të mirë për Shqipërinë.

I paharruar kujtimi i tij!”, shkruan Lulzim Basha./ B.A. – CNA.al





Lajmet e fundit nga