web counter
LEXO PA REKLAMA!

SHKARKO APP

App Store
Google Play

E fundit!

x

Kreu i partisë së inceneratorëve “lan duart”/ Përgjegjës për aferën është vetëm Rama

11 Shtator 2022, 17:49, Politikë CNA
Kreu i partisë së inceneratorëve “lan duart”/
Ish-presidenti Ilir Meta

Ilir Meta, kreu i partisë së inceneratorëve, LSI-së, tashmë të quajtur Partia e Lirisë ka larë duart dhe ka bërë përgjegjës për aferën skandaloze të inceneratorëve kryeministrin Edi Rama.

Në një deklaratë për mediat, teksa u ndal tek protesta që do të mbahet në landfillin e Sharrës, Meta tha se vetëm Rama është në krye të vjedhjes së inceneratorëve.

“Atje ku padrejtësia kthehet në ligj, rezistenca është detyrë për të gjithë. Në Shqipëri korrupsioni dhe mafia kanë vendosur sistemin e tyre. Afera e inceneratorëve është afera më e skandaloze e kapjes së shtetit për fyti, e shkatërrimit të interesit publik dhe vjedhjes së qindra miliona eurove nga persona që janë në kërkim ndërkombëtar. Vetëm një person është në krye të kësaj dhe që ka garantuar mbarëvajtjen  e kësaj vjedhjeje. Rama ka bërë 14 vendime brenda një ditë, të gjitha të paligjshme vetëm për t'i hapur rrugë kësaj afere. Me firma të falsifikuara qarkullojnë miliona euro.

Ne ndërmorrëm këtë iniciativë, kjo do jetë protestë e qytetarëve. Shqiptarët duhet të protestojnë çdo ditë e çdo minutë, pasi këtu vidhet përditë dhe po përgatiten vjedhje të tjera. Është detyra e çdo qytetari që ndihet i vjedhur të protestojë dhe të jetë atje. Në këtë manifestim do të jemi të githë me flamurin e qytetarisë dhe me asnjë flamur partie apo force politike. Është vetëm 1 kriter për të qenë opozitar, a je apo jo kundër Edi Ramës atje ku i dhemb më shumë, që është hajdutëria e tij e paskrupullt”, deklaroi ai./ B.A. – CNA.al





Lajmet e fundit nga