E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Dy standardet/ PD-ja e Berishës po bëhet si PD-ja e Lulit

11 Shtator 2022, 10:23, Politikë CNA

Dy standardet/ PD-ja e Berishës po bëhet si PD-ja e Lulit

Partia Demokratike

Ledina Mandia e Rithemelimit ka dalë dje në një konferencë për mediat, ku ka akuzuar kryeministrin Edi Rama se po u jep ‘klientëve’ të tij tokë publike me çmim të lirë (1 euro), por pa përmendur se kush janë këta ‘disa’ biznesmenë.

Kjo është një qasje me dy standarde e PD-së, që ashtu si dhe në rastin e inceneratorëve që nuk përmendin as "Top Channel", as Irfan Hysenbelliun, dhe në këtë rast, përmendin një dhe nuk përmendin të tjerët. Kjo sepse ruajnë kilentelat rreth e rrotull oborrit të PD-së.

Ne po sjellim dhe 4-5 vendime të tjera, që nuk i ka përmendur PD-ja.

Janë dy rastet më flagrante të shoqërisë “SHIJAKU” SH.P.K. dhe shoqërisë “MEDITERRANEAN WAVE” SH.P.K.

Të dyja kanë lidhur kontratë qiraje me tarifë 1 euro për investime strategjike.

Nuk po i sjellim si sulme ndaj biznesit, pasi ne si media do të mbajmë gjithmonë qëndrim pro biznesit, por po i sjellim si standard i dyfishtë i PD-së.

PD-ja e Berishës po bëhet si PD-ja Lulit, pra ‘ca të nënës e ca të njerkës’!

Në rastin e inceneratorëve nuk përmenden emrat, në këtë rast nuk përmendin klientë të oborrit. Sepse klientët e oborrit shkojnë dhe paguajnë në arkën e partisë dhe askush nuk ua përmend dot emrin.

CNA.al po sjell pak raste më poshtë, këto dyja dhe disa raste të tjera. Gjithashtu kujtojmë se historia e marrjes me 1 euro për të investuar nuk është e sotmja, fillon me qeverinë e Berishës dhe është mbrojtur si një strategji e madhe zhvillimi, ndërsa sot sulmohet duke përdorur turpësisht dy standarde.

Rasti 1, është ai i shoqërisë “Shijaku” sh.p.k.

VENDIM Nr. 957, datë 2.12.2020

Për dhënien e miratimit për lidhjen e kontratës së qirasë me tarifën 1 euro/kontrata ndërmjet ministrisë së financave dhe ekonomisë, si qiradhënës, dhe shoqërisë “Shijaku” sh.p.k., si qiramarrës, për pasurinë shtetërore me numra pasurie 287/1, 283/24, 283/20, 283/22, zk 2954, dhe 133/326, 133/328, zk 3266, me vendndodhje në Sauk, Tiranë, me sipërfaqe të përgjithshme 136 716 m2, në përgjegjësi administrimi të Ministrisë së Mbrojtjes dhe Ministrisë së Kulturës.

Rasti 2, shoqëria “Mediterranean wave”.

Vendim Nr. 11/9 datë 02 / 12 / 2021

Për miratimin e statusit “investim/investitor strategjik procedurë e veçantë” për projektin e investimit “Mediterranean wave” me subjekt aplikues shoqëria “Mediterranean wave” sh.p.k. me nuis m11916014a.

Miratohet në parim masa mbështetëse dhënia e së drejtës së përdorimit dhe shfrytëzimit të sipërfaqes së llojit 'Pyll', me pronësi Republika e Shqipërisë, me sipërfaqe 635,000 m2, e cila, sipas të dhënave të kartelës së pasurisë në ASHK Kavajë ndodhet e pozicionuar në hartat me nomenklaturë K-34-99- (159-A,B,C,D) dhe mban nr. pasurie 106/22, volum 4, faqe 70, Zona Kadastrale 2909, Peqinaj Kavajë, pasi kjo sipërfaqe të jetë hequr nga sipërfaqja pyjore publike, sipas legjislacionit specifik sektorial për pyjet.

Rasti nr.3, shoqërisë “Ceren Ismet Shehu”, sh.p.k.

Vendim nr.329, datë 22.4.2020

Për dhënien e miratimit për lidhjen e kontratës së qirasë me tarifën 1 euro/kontrata, ndërmjet Ministrisë së Financave dhe Ekonomisë, si qiradhënës, dhe shoqërisë “Ceren Ismet Shehu”, sh.p.k., si qiramarrës për dhënien me qira të pasurisë shtetërore me emërtimin “Ish-reparti ushtarak nr.3031”, me vendndodhje në Tiranë, në administrim të Ministrisë së Mbrojtjes.

Rasti nr.4 është ai i bashkimit të shoqërive “Concord investment” sh.p.k. dhe “Kastrati Group” sh.a.

Vendim nr. 514, datë 1.7.2020

Për dhënien e miratimit për lidhjen e kontratës së qirasë me tarifën 1 euro/kontrata ndërmjet Ministrisë së Financave dhe Ekonomisë, si qiradhënës, dhe bashkimit të shoqërive “Concord investment” sh.p.k. dhe “Kastrati Group” sh.a, si qiramarrës, për pasurinë shtetërore Gjiri i Limionit, Sarandë, me sipërfaqe të përgjithshme 265 2299,5 m2, në përgjegjësi administrimi të Ministrisë së Mbrojtjes dhe të Ministrisë së Bujqësisë dhe Zhvillimit Rural’.

Pra, ky është rasti ku disa sulmohen e akuzohen, klientela e oborrit nuk zihet me gojë. Megjithëse klientela e oborrit ka marrë investime të tilla edhe për shkak të marrëveshjeve të PD-së me Edi Ramën./CNA.al