web counter
LEXO PA REKLAMA!

SHKARKO APP

App Store
Google Play

Kreu i partisë së inceneratorëve thirrje për luftë të hapur/ Mafia e inceneratorëve po na grabit

10 Shtator 2022, 20:08, Politikë CNA
Kreu i partisë së inceneratorëve thirrje për luftë
Kreu i partisë së inceneratorëve, Ilir Meta

Kreu i partisë së inceneratorëve, LSI-së, tashmë të quajtur Partia e Lirisë, Ilir Meta ka bërë një tjetër thirje për qytetarët.

Me anë të një statusi në rrjetet sociale, Meta ka hedhur sërish akuza ndaj Qeverisë që lidhen me aferën e inceneratorëve.

Ai i kërkon qytetarëve të marrin pjesë në protestën që do të mbahet në landfillin e Sharrës, teksa thekson se vetëm lufta e hapur kundër kapjes së shtetit dhe korrupsionit parandalon falimentimin e Shqipërisë.

“Miliona euro të taksapaguesve shqiptarë grabiten çdo ditë nga mafia e inceneratorëve me firma të falsifikuara të qytetarëve, që janë ndarë nga kjo botë prej vitesh, me firma pensionistësh që jetojnë në azile dhe me firma çobanësh që mbajnë dhen në Greqi. Si mund të vazhdojë kjo aferë kur inceneratorë nuk ka por Qeveria vazhdon paguan pronarët e shpallur në kërkim? Dihet shumë mirë që këto para shkojnë vetëm për krimin. Vetëm lufta e hapur kundër kapjes së shtetit dhe korrupsionit parandalon falimentimin e Shqipërisë. Koha nuk pret më! Të gjithë në protestë më 13 shtator, ora 18:00, tek inceneratori i Tiranës!”, shkruan kreu i partisë së inceneratorëve./ B.A. - CNA.al





Lajmet e fundit nga