web counter
LEXO PA REKLAMA!

SHKARKO APP

App Store
Google Play

E fundit!

x

Protesta/ Berisha i bashkohet partisë së inceneratorëve

9 Shtator 2022, 12:36, Politikë CNA

Protesta/ Berisha i bashkohet partisë së inceneratorëve

Kreu i PD-së, Sali Berisha, në konferencën me gazetarët ka deklaruar se ka një koordinim me Shtëpinë e Lirisë dhe Frontin për Shpëtimin e Shqipërisë.

Ai u ka bërë thirrje qytetarëve që të marrin pjesë në protestën e 13 shtatorit të njoftuar nga Meta dhe që do të mbahen në landfillin e Sharrës.

“Lëvizjet e mëdha do koordinohen pa diskutim me Partinë e Lirisë dhe me të gjithë frontin. Ekziston një front, Fronti për Shpëtimin e Shqipërisë, ky front ishte ai që organizoi 7 korrikun, ky front do të organizojë tani lëvizjen e madhe apo kryengritjen paqësore të shqiptarëve për shpëtimin e Shqipërisë nga rreziku. 

Ndaj dhe Partia e Lirisë shumë normale vendos për protesta dhe kudo që bëhen protesta, ne u bëjmë thirrje qytetarëve të marrin pjesë. 

Protestë për shembull kanë lajmëruar qytetarët e Vlorës, nuk ka protestë më të ligjshme se ajo, se të sjellësh përbindësha që emëtojnë squfur në ditë sa 1 mijë makina në një qytet me përmasa të kufizuara siç është Vlora.

Nuk është një qytet i hapur, do të thotë t’i helmosh, do të thotë t’ju mbushësh ajrin me grimca kancerogjene, është një krim i rëndë i shëndetit dhe mjedisit të Vlorës. 

Do të dalin ata, qytetarët do të kenë mbështetje të plotë të Partisë Demokratike për të dalë derisa t’i përzenë nga ujërat e Vlorës”, është shprehur Berisha./CNA.al





Lajmet e fundit nga