web counter
LEXO PA REKLAMA!

SHKARKO APP

App Store
Google Play

Rama përsërit veten/ Nuk e ndal propagandën, në lojë futen edhe deputetët e Bashës

9 Shtator 2022, 14:09, Politikë CNA

Rama përsërit veten/ Nuk e ndal propagandën, në lojë

Nga mëngjesi, Kryeministri Edi Rama ka zënë televizionin duke folur për situatën energjitike.

Me të njëjtat deklarata që prej tri ditësh Rama flet për çmimin e energjisë që nuk do të prekë familjet konsumatore, por njerëzit e luksit.

Diku diku mundohet t’u ktheje përgjigje edhe deputetëve të Lulzim Bashës, në formën e replikës në distancë.

Këtë gjë ka bërë sot në drekë me deputeten Jorida Tabaku, e cila në një konferencë lëshoi akuza kundër Qeverisë për çmimin e energjisë.

“Jemi të vetmit që nuk kemi rritur energjinë elektrike për familjarët dhe për biznesin e vogël, që do të thotë që ndërkohë që çmimi rritet në mënyrë marramendëse në treg, në bursë, në burimet ku ne na duhet ta importojmë, dhe mbetet ai që është për familjarët dhe bizneset, është qeveria ajo që plotëson gjithë atë hendek, midis çmimit real dhe çmimit që paguan secili në faturë. Ka pasur një dyndje të papërgjegjshme, nga burimet e keqinformimit, manipulimit, sikur me demek do të rritet energjia elektrike, por në fakt energjia nuk do të rritet as për familjarët as për bizneset, por do të ndryshojë qasja për ata që kalojnë kufirin, atë kufi që është i mjaftueshëm për të kryer të gjitha nevojat e veta. Është vetëm një 4% që ka shtëpi të mëdha me pishina, me gjëra, janë vetëm 4% ata që mund të shkojnë përtej 800kw. Dhe më e hatashmja është se ky 4%-shi, i kamur e i pasur, konsumon thuajse 20% të gjithë konsumit të familjeve shqiptare. Dhe vetëm për ata çmimi i energjisë do të jepet me çmimin real që importohet nga jashtë”,- ka përsëritur Kryeministri.

Këtë deklaratë e ka bërë gjatë fjalës së tij pas inaugurimit të shkollës “Andrea Stefani”./CNA.al

 

 





Lajmet e fundit nga