web counter
LEXO PA REKLAMA!

SHKARKO APP

App Store
Google Play

“Ndodhemi në një moment kritik”/ Berisha  flet me kolonjarët për “Ballkanin e Hapur”

10 Shtator 2022, 11:42, Politikë CNA

“Ndodhemi në një moment kritik”/ Berisha  flet me

Kryetari i Partisë Demokratike Sali Berisha, ka zhvilluar sot një takim me intelektualë dhe banorë të Ersekës.

Berisha e ka nisur fjalën me akuza ndaj kryeministrit Edi Rama, duke thënë se kërkon ta kthejë Shqipërinë vasal të një vendi tjetër dhe pjesë të Jugosllavisë së vjetër.

“Ëndërra shqiptare për një Shqipëri zonjë mes kombeve të zhvilluara, ëndërr që kur rilindasit e shpallën në atë kohë nuk kishte BE. Por ata në mënyrë gjeniale e projektuan Shqipërinë asaj kohe pjesë e perandorisë otomane si vend mes më të zhvilluarve të Europës. Duhet të jemi realistë, ta shohim të vërtetën në sy. Kjo ëndërr u formua pas shekujsh përpjekjesh të perandorisë otomane për tjetërsuar kombin shqiptar”, ka thënë Berisha.

Sipas tij, tragjike është se sot me efekte shkatërrimtare për Kolonjën dhe Shqipërinë, ai që është sot në Tiranë po bën gjithçka me Ballkanin e Hapur për të ndryshuar siç thotë Vuçiçi, Jugosllavi e vjetër plus Shqipëri.

“Ndodhemi në një moment kritik. E di se jo të paktë janë ata që thonë kemi halle më të mëdha se kaq. Kjo nuk është e drejtë, për çdo njeri të qytetëruar nuk ka interes më jetik se ai kombëtar. Shqipëria do të eci vetëm nëse e duam dhe fëmijët tanë do të jenë zotër të vendit nëse i mëkojmë me këtë. Vetëm vende patriotike zhvillojnë vendet e tyre. Nuk e do kombin ai që do ta kthejë vasal të një shteti tjetër”, ka thënë më tej Berisha./CNA.al

 





Lajmet e fundit nga