web counter
LEXO PA REKLAMA!

SHKARKO APP

App Store
Google Play

Konfiskimi i ndërtesave pa leje/ Berisha: Paguhet ryshfet, Rama bën sikur nuk e di

9 Shtator 2022, 18:54, Politikë CNA
Konfiskimi i ndërtesave pa leje/ Berisha: Paguhet ryshfet, Rama bën
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka komentuar vendimin e qeverisë për konfiskimin e ndërtesave pa leje.

Gjatë një takimi me demokratët në Përrenjas, Berisha u shpreh se për çdo kat dhe madj çdo dhomë invetsitorët paguajnë ryshfet, ndërsa Rama hiqet sikur nuk e di këtë gjë.

“Dje në parlament, tek dëgjoja socialistët unë u thashë atyre, urdhëroni, të shkojmë së bashku në çdo organizatë të PS dhe të debatojmë me ta. Mirëpo siç e shikoni, ata kanë shkëputur çdo lidhje me qytetarin dhe qytetarët. Kanë shkëputur çdo lidhje pasi Edi Rama e ka shndërruar shtetin në një makineri mashtrimi. Po të dëgjoni se çfarë flasin ata në parlament, flasin sikur janë në një planet tjetër, jo në Shqipëri.

Mirëpo është krijuar ky mekanizëm, me të cilin mashtrojnë nga mëngjesi në darkë në mënyrë të paskrupullt. I paragjykojnë qytetarët shqiptarë si njerëz që mund ti mashtrosh dhe tu thuash çtë duash. E dëgjuat dje, sikur nuk ka qenë në Shqipëri, fliste për mungesën e ligjit në ndërtime dhe urbanistike, që të gjitha mbi bazë ryshfeti, pasi dihet shumë mirë që jo çdo kat, por edhe çdo dhomë paguajnë ryshfetin për ta shtuar. Ky jo që e dinte, por ndryshoi ligjin dhe ngarkoi policinë për tu marrë me ndërtimet pa leje.

Pra mendon se në këtë mënyrë do të lajë duart me kaosin urbanistik që e krijoi mbi  bazën e ryshfetit. Asnjëri prej tyre aty nuk ka ndërtuar kate mbi kate pa paguar shuma të mëdha”, është shprehur Berisha./ CNA.al





Lajmet e fundit nga