web counter
LEXO PA REKLAMA!

SHKARKO APP

App Store
Google Play

“Rama përdhos policinë e shtetit" / PD: E ka kthyer në një çetë mercenarësh

12 Shtator 2022, 11:53, Politikë CNA
“Rama përdhos policinë e shtetit" / PD: E ka kthyer në
Anëtari i Këshillit Kombëtar të PD-së, Lisandër Hoxha

Anëtari i Këshillit Kombëtar të PD-së, Lisandër Hoxha, ka hedhur akuza ndaj kryeministrit Edi Rama duke thënë se me ndryshimin e ligjit për policinë e shtetit, ka përdhosur uniformën e policit, duke i kthyer në një çetë mercenarësh që mund të merren me qira nga të fortët, oligarkët dhe sharlatanët.

“Pasi shpiku investitorë strategjikë të oborrit të tij, pasi u dha badihava pasuritë publike të shqiptarëve, Edi Rama do t’u vendosë në dispozicion edhe policinë e shtetit.

Me një vendim skandaloz, për ndryshime në ligjin për policinë e shtetit, Rama e ka përdhosur edhe njëherë uniformën e policit shqiptar, duke i kthyer në çetë mercenarësh që mund të merren me qira nga të fortët, oligarkët dhe sharlatanët.

Ndryshimet ligjore parashikojnë që policia e shtetit, si të ishte orkestër dasmash, të pajtohet për afate të ndryshme kohore, deri në 3 muaj, për ruajtjen e personave fizikë e juridikë, publikë e privatë, si dhe eventeve, që nga koncertet, deri te panairet dhe aktivitetet sportive.

Parashikohet gjithashtu që policët, me uniformë dhe me automjetet zyrtare, të shoqërojnë ata që quhen investitorë strategjikë apo dhe persona që konsiderohen në rrezik.

Partia Demokratike e dënon këtë shfytyrim të rolit të policisë nga Edi Rama dhe e cilëson si, asgjë më pak se një atentat tjetër ndaj figurës, autoritetit dhe mitit të policit si personifikim i shtetit dhe ruajtës i rendit, sigurisë dhe qetësisë publike.

Me këtë akt të ulët Edi Rama e kthen trupën e policisë së shtetit në një kompani sigurimi fizik. Paloshteti i tij prek kështu fundin, kur vendos të japë me koncension edhe uniformën, armën dhe ekspertizën e policit.

Një polici që, edhe në kontekstin aktual nuk i përmbush dot kushtet për ruajtjen e rendit, për arsye të aq mungesave e keqpërdorimit politik, do të ngarkohet me role që, jo vetëm dalin jashtë fokusit institucional, por edhe i shtojnë barrën.

Figura e policit, edhe kështu e nëpërkëmbur, do të shihet si roje objektesh, koncertesh apo të ashtuquajturish investitorë strategjikë.

Nëse doni një ilustrim se si do të jetë policia pas këtij ligji, imagjinojeni si eskortë të Gaz Pajës, të cilin Rama e ka shpallur investitor strategjik.

Ky vendim e bën policinë e shtetit që të ndërrojë hierarki dhe të ketë dy autoritete: shefat në zyrë dhe shefat në rrugë, që variojnë nga të fortët e deri te klientët e qeverisë në biznes.

U bëjmë thirrje profesionistëve në polici që të mos heshtin, por të ngrihen kundër këtij depersonalizimi, që u bëhet atyre individualisht dhe uniformës që përfaqësojnë.

Me Edi Ramën në krye, shteti dhe të gjitha institucionet e tij janë në rrezik”, tha Lisandër Hoxha në një deklaratë për mediat./ CNA.al





Lajmet e fundit nga