web counter
LEXO PA REKLAMA!

SHKARKO APP

App Store
Google Play

E fundit!

x

“Gjuha Shqipe kërcënohet nga rreziqe të mëdha”/ Rama: Detyra jonë, ta mbrojmë

11 Shtator 2022, 19:16, Politikë CNA
“Gjuha Shqipe kërcënohet nga rreziqe të mëdha”/
Kryeministri Edi Rama

Gjatë prezantimit të Abetares së përbashkët Kosovë-Shqipëri, kryeministri Edi Rama tha se duhet të mbrojmë gjuhën shqipe.

Ai deklaroi se sot më shumë se kurrë, gjuha shqipe kërcënohet nga globalizmi, rrjetet sociale, por edhe lënia pas dore e librit.

Rama u shpreh se mbrojtja e gjuhës është një barrë e rëndë, por është një barrë e detyruar për t'u mbajtur.

“Sot përveçse në Shqipëri gjuha shqipe flitet në Kosovë, Maqedoninë  e Veriut, Malin e Zi, Luginën e Preshevës dhe përtej këtij perimetri ku jetojnë shqiptarët, jo vetëm në Europë, por deri në Australi. Për ne është një barrë e posaçme që këtë gjuhë ta mbrojmë nga kërcënimet e mëdha që sot janë përherë e më të pranishme si rezultat i globalizimit, i rrjeteve sociale, i komunikimeve elektronike, si rezultat i një përhumbjeje të përgjithshëm të interesit ndaj librit, dhe si rezultat i goditjeve të njëpasnjëshme që gjuha i merr në një botë konsumi, ku pak i kushtohet vëmendje korrektimit, apo botimit të fjalëve dhe fjalive në gjuhën tonë, të cilat i jepen në konsum të përditshëm publikut.

Sigurisht që kjo është një barrë e rëndë, por është një barrë e detyruar për tu mbajtur, në radhë të parë qeveritë, ku barrën kryesore e ka qeveria e Shqipërisë. Pavarësisht përpjekjeve të bëra ka ende shumë vështirësi për të ballafaquar, ka dhe shumë punë dhe nevojë për të pasur idetë e duhura se si mund të përballet gjithë kjo furi injorance dhe shpërdorimi ekstrem i gjuhës si rezultat i konsumit të saj si kurrë më parë”, theksoi kreu i qeverisë ndër të tjera./ B.A. – CNA.al





Lajmet e fundit nga