web counter
LEXO PA REKLAMA!

SHKARKO APP

App Store
Google Play

Rrëfehet Besart Xhaferri/ Çfarë e shtyu të kandidojë për kreun e FRPD-së

11 Shtator 2022, 19:36, Politikë CNA
Rrëfehet Besart Xhaferri/ Çfarë e shtyu të kandidojë
Kandidati për kreun e FRPD-së, Besart Xhaferri

Kandidati për kreun e FRPD-së, Besart Xhaferri, ka zbuluar për CNA.al arsyet që e shtynë të kandidojë për këtë post.

Xhaferri tha se pjesë e të rinjve të Partisë Demokratike është bërë para 7 vitesh. Ai rrëfen për CNA.al se një nga shtysat që e bëri të garojë janë modelet nga partnerët ndërkombëtarë.

Besart Xhaferri theksoi se me kandidimin e tij do që të tregojë se rinia është e ardhmja e këtij vendi dhe duhet të jenë pikërisht këta të rinj që të marrin rolin që u takon në këtë shoqëri.

"Në fakt unë jam pjesë e FRPD-së prej 7 vitesh dhe gjatë kësaj kohe kam drejtuar Sekretariatin e Marrëdhënieve me Jashtë në këtë organizatë. Unë vendosa që t’i futem garës për drejtimin e FRPD-së për të sjellë modelet më të mira që kam parë dhe mësuar nga partnerët tanë jashtë si Junge Union, si dhe për të treguar që rinia është e ardhmja e këtij vendi dhe duhet të jenë pikërisht këta të rinj që të marrin rolin që iu takon në këtë shoqëri”, u shpreh kandidati për lidershipin e FRPD-së.

I pyetur nga CNA.al për rivalët në garë, ai nuk preferoi t’i listojë me emra kush është më i miri dhe kush më pak i miri, por deklaroi se të gjithë kanë dhënë kontributet e tyre.

“Të pestë kandidatët e tjerë kanë kontributetet e tyre në FRPD”, nënvizoi Xhaferri./ Brunilda Allkja – CNA.al





Lajmet e fundit nga