web counter
LEXO PA REKLAMA!

SHKARKO APP

App Store
Google Play

Në takimin për Azem Hajdarin, Tritan Shehu ngre alarmin/ Shqipëria kërcënohet nga një rrezik i ri

12 Shtator 2022, 20:28, Politikë CNA
Në takimin për Azem Hajdarin, Tritan Shehu ngre alarmin/
Deputeti i Partisë Demokratike, Tritan Shehu

Deputeti i Partisë Demokratike, Tritan Shehu, ka ngritur një alarm, gjatë fjalës së tij në bashkëbisedimin e thirrur nga ish-kryeministri Sali Berisha, në nder të Azem Hajdarit.

Deputeti tha se Shqipëria është sot para rrezikut të ri në historinë e saj.

Shehu deklaroi se të rinjtë rrinë të strukur dhe nuk flasin apo shprehin mendimin e tyre për gjendjen në të cilën ndodhet vendi.

“Shqipëria ka ndryshuar, dhe për këtë duhet të jemi krenar të gjithë. Këtu filloi ndryshimi, ajo që ne kemi aspiruar, pavarësisht se si shkuan punët më vonë.

Ky shesh i dha ndryshimin e madhe Shqipërisë dhe lider në këtë shesh ishte Azemi. Lideri i studentëve ishte ai që ndamë në atë periudhë dhe më vonë, momente të mira dhe të vështira.

Azemi ishte një lëmsh i zjarrtë, sepse ai me trajektoren e tij përcaktoi trajektoren e Shqipërisë, drejt perëndimit, Europës. ‘E duam Shqipërinë si gjithë Europa’, është trajektorja jonë, aspirata jonë e madhe. Ai lëmsh i zjarrtë bëri edhe një gjë tjetër, shumë të madhe, vrau frikën, ai e vrau frikën kudo. Ai vrau frikën në çdo qytet, apo fshat të Shqipërisë, kudo ku ishte terrori.

Shqipëria është sot para rrezikut të ri në historinë e saj. Të rinj të strukur, të mos flasin, të thonë mendimin e tyre. Vërtetë s’e fusin në burg, por i presin bukën e gojës”, theksoi ai./ B.A. – CNA.al





Lajmet e fundit nga