LEXO PA REKLAMA!

SHKARKO APP

Lista e 95 bashkive dhe 13 qarqeve/ PD prezanton hartën e re për reformën territoriale

14 Shtator 2022, 14:23, Politikë CNA
Lista e 95 bashkive dhe 13 qarqeve/ PD prezanton hartën e re për
Mbledhja e grupit parlamentar të PD

Sot në mbledhjen e grupit parlamentar të Partisë Demokratike është propozuar drafti për reformën e re territoriale.

PD-ja ka propozuar 95 bashki, pra 34 më shumë nga ato që janë aktualisht.

PD-ja e Berishës thotë se i përmbahet konceptit europian të rajoneve. Ndërkohë, në draft propozohet edhe ndarja me 5 rajone në rang vendi.

Ylli Asllani, sekretar i Rithemelimit të PD-së: Në projektin tonë kemi 95 bashki asimetrike. Janë 34 njësi vendore më shumë se ndarja aktuale.

Lista e 95 bashkive dhe 13 qarqeve/ PD prezanton hartën e re për

51% e bashkive janë bashki qendrore, do të mbulojnë edhe sportin. Pjesa tjetër e bashkive do të kenë funksione të plota, por do të jenë të fokusuara te shërbimet bazë.

Lidhur me nivelin e dytë, PD-ja i përmbahet konceptit europian të rajoneve. Rajonet do të garantojnë një harmonizim të zhvillimit makro.

PD me këtë draft ka një opsion për Tiranën ndryshe nga forcat e tjera politike. PD është për një qytet metropolitan, një Tiranë me 14 bashki të vogla. Kurse politikat qëndore do t'i luajë bashkia kryesore që do të jetë ajo e Tiranës.

Në Korçë kanë qenë 6 bashki, propozimi është 10 bashki, ku janë shtuar Leskoviku, Vithkuq, Voskopojë dhe Pojan.

Në Vlorë nga 7 bashki janë propozuar 11, ku është shtuar Orikumi, Novosela, Lumi i Vlorës (Amantia) dhe Ksamili.

Berati nga 7 bashki bëhet me 9 bashki, janë shtuar Shpiragu dhe Otllaku.

Në Fier nga 6 bashki bëhen 12 bashki, shtohen Golem, Ardenicë, Levan, Cakran, Fratar.

Në Elbasan nga 7 bashki bëhen 10 bashki, shtohen Shpati, Bradasheshi.

Në Tiranë nga 5 bashki bëhen 9 bashki, shtohen Ndroqi, Petrela, Kashari, Dajti. Gjithashtu edhe 11 minibashkitë të kalojnë në Bashki.

Në Kurbin nga 1 bashki bëhen 2 bashki, shtohet Mamurrasi.

Në Durrës nga 3 bëhen 4, është shtuar Sukthi.

Në kukës nga 3 bëhen 5 bashki.

Bashkitë:

– 95 Bashki asimetrike,

– Janë 34 njësi vendore më shumë se ndarja aktuale 61 bashki.

– 50% e bashkive qendrore do të mbulojnë krahas funksioneve të shërbimeve publike e social kulturore edhe shërbimin transportit dhe të zhvillimit të territorit për bashkitë rurale.

– 50 % e bashkive të tjera do të kenë funksione të kufizuara, kryesisht në kryerjen e shërbimeve publike, bujqësore, aktivitete kulturore dhe asistencë sociale e nxitje të punësimit. Ato do t'i delegojnë funksionet e menaxhimit urban te njësitë qëndrore mbi një bazë kontrate bashkëpunimi.

Lidhur me nivelin e dytë, PD i përmbahet konceptit europian të rajoneve.

Ajo është e përgatitur për të ofruar dy opsionet e saj për nivelin e dytë të qeverisjes vendore

a. Fomimin e një ndarje të re rajonale me 5 rajone

b. Tirana, kryeqytet metropolitan, me një bashki qendrore dhe 14 bashki me kompetenca te kufizuara.

Lajmet e fundit nga