LEXO PA REKLAMA!

SHKARKO APP

Si pështyn Gent Strazimiri mbi veten

14 Shtator 2022, 13:53, Politikë CNA
Si pështyn Gent Strazimiri mbi veten
Foto ilustruese

Mediat ndërkombëtare, sot shkruan se Rusia ka financuar për Partinë Demokratike në kohën kur kryetar ishte Lulzim Bashan, në vitin 2017.

Tema është trajtuar gjerësisht nga CNA.al, e cila ka analizuar gjatë shkeljet dhe veprat penale pas tyre.

Pas publikimit të lajmit nga mediat ndërkombëtare, sot Gent Strazimiri, i cili dikur mbronte Lulzim Bashën në deklaratat e tij, ka pështyrë në atë që ka thënë duke shkruar përmes një postimi në rrjetet sociale se Lulzim Basha i detyrohet një përgjigje të detajuar cilitdo demokrati.

“Pse heshtin "Mother Jones"-at këtu dhe në Amerikë?!"Kur pretendime të tilla u qarkulluan në disa media", kam qenë mbase i pari që kam reaguar publikisht, duke i hedhur poshtë me bindje të plotë e përbuzje, madje duke replikuar me median majtiste amerikane "Mother Jones" (e cila sot hesht, njësoj si motërzat e saj shqiptare?!)

E kam bërë, jo për të mbrojtur Lulzim Bashën, por bazuar mbi bindjen e patundur se Partia Demokratike e Shqipërisë është për definicion antipodi i sovjetizmit në cilëndo formë që të shfaqet, përfshi edhe Putin-izmin, Vuçiç-izmin apo Ramë-izmin & co...

Se, partnerët e "sovjetëve" dhe "putinëve" në Shqipëri, janë "tavarishët" që ende sot secili prej nesh i quan "këlyshët e Moskovit", e kurrësesi demokratët!

Sot fatkeqësisht, akuza është zyrtare e jo më bazuar mbi pallavra gazetash majtiste, e konfirmuar nga organi zyrtar i Departamentit të Shtetit "Zëri i Amerikës", kësisoj, reagimi steril me "bashllëqe" idiote nuk mjafton!

Sot Lulzim Basha i detyrohet një përgjigje të detajuar cilitdo demokrati, veçanërisht për faktin e çuditshëm se si ndodhi që:

* as qeveria,

* as mediat e majta këtu e në USA,

* as përfaqësuesit diplomatikë të USA që e akuzuan publikisht,

nuk ia përmendin më këtë akt të rëndë, që minon demokracinë shqiptare por edhe Aleancën e Atlantikut Verior!

Megjithëse fakti qenka i provuar nga inteligjenca amerikane, sot çuditërisht Lulzim Basha është "partneri i besueshëm" ndërsa Sali Berisha që e denoncoi, ish-miku i padëshirueshëm...(?!)

Cilido që e ka kryer, apo ka kontribuar për të mbuluar këtë aferë, është bashkëfajtor dhe përgjegjës penalisht para ligjit shqiptar dhe atij amerikan!

Nëse "Mother Jones"-at do kishin mison të vërtetën, lajmin, sot do të duhej të kishin ulëritur që ka kapur "peshk të madh" këtu dhe në Amerikë që para 5 vitesh, madje disa, përfshi dhe minimalisht ambasadorë...

Duhet përgjigje SOT!!!

Nejse... unë vazhdoj të pres me durim...

KAQ!”, shkruan Strazimiri sot.

Ndërsa më parë, në kohën kur ishte në mbrojtje të Bashës, Strazimiri shkruante:

"Ky hetim bindi Nensi Pelosin dhe Hillary Clinton por jo Tauant Ballën(?!)

Ai është i vetmi në rruzull që nuk heq dorë nga bindja që Presidenti Trump është njeri i Putinit, dhe se që të lobosh pranë tij duhet të paguash pare tek rusët e Putinit.

Kaq kooperativiste është çështja!

Kaq kooperativiste është logjika!

Kaq kooperativiste ka mbetur kooperativa që Presidentin Trump e quajti turpi i njerëzimit!

P.S. Ai momenti kur dyshon që sh. Enver nuk e kishte dhe aq keq kur i ndau veç ca shqiptarë në:

të denjë për të ngrënë vetëm bukë misri (madje me misër të refuzuar nga lopët).

Sh. Enver i ka njohur më mirë se i ka ende të vetët." shkruante Strazimiri./CNA.al

Si pështyn Gent Strazimiri mbi veten

 

Lajmet e fundit nga