web counter
LEXO PA REKLAMA!

SHKARKO APP

App Store
Google Play

E fundit!

x

Tabaku, akuza qeverisë për ndryshimin e koordinatorit të IPA-s/ Balluku e ironizon: Të ka humbur memoria

15 Shtator 2022, 10:30, Politikë CNA

Tabaku, akuza qeverisë për ndryshimin e koordinatorit të IPA-s/

Në seancën e sotme parlamentare është diskutuar marrëveshja me KE për asistencën financiare.

Deputetja Jorida Tabaku është shprehur se qeveria ka ndryshuar struktuarën e menaxhimit të fondeve duke ndryshuar në katër vite 8 herë koordinatorin e IPA-s, që sipas Tabakut ka sjellë probleme në përthithjen e fondeve IPA.

“Duhet të merremi me strukturën që nga ngritur qeveria për të koordinuar fondet. Kjo e copëzon procesin dhe e ndajnë përgjegjësinë duke krijuar më shumë vështirësi, për herë të parë ka ndryshuar katër herë në 8 vite koordinatorin e IPA-s, kjo ka sjellë problem në zbatimin dhe përthithjen e fondeve të IPA-s. Ne nuk mund të lejojmë që këto fonde të mos përfitohen”, tha Tabaku.

Gjithashtu ajo theksoi se qeveria ka aftësi të ulët për të përthithur fonde të BE-së, duke shtuar se ky fakt tregon mosgatishmërinë e administratës publike për të ngritur struktura eficiente.

Deklaratës së Tabakut i është përgjigjur zëvendëskryeministrja Belinda Balluku, e cila duke ironizuar deklaratat e Tabakut është shprehur se ka humbur memorin institucionale.

Balluku shton se qeveria nuk ka barazuar kurrë memorien institucionale te një individ i caktuar pasi në çdo rast është bashkëpunuar në grup.

“Padyshim ky është një projektligj i rëndësishmë po për të mos u zgjatur unë do përgjigjesha parafolëse për disa gjëra.

8 vite në opozitë, të humb memoria insitucionale. Ne nuk e kemi barazuar memorien institucionale te një individ i caktuar pasi kemi bashkëpunuar në grup”, tha Balluku./ CNA.al

 





Lajmet e fundit nga