LEXO PA REKLAMA!

SHKARKO APP

App Store
Google Play

Lulzim Basha, si vegël e Putinit

14 Shtator 2022, 17:19, Politikë Elvi FUNDO
Lulzim Basha, si vegël e Putinit
Lulzim Basha e Putin

E pabesueshme, e turpshme, një nga faktet më skandaloze të 30 viteve demokraci në Shqipëri!

Ndoshta çudirat, bëmat dhe gjëmat në Shqipëri tashmë nuk habitin më askënd, mediat botërore kryesore si "BBC" dhe "AFP" më pas dhe "Zëri i Amerikës" raportojnë se rusët, Putini, kanë investuar në Ballkan dhe kanë lobuar në Shqipëri, Mal të Zi apo Bosnjë Hercegovinë.

Në Shqipëri ka investuar rreth 500 mijë dollarë në Partinë Demokratike në vitin 2017, kur drejtohej nga Lulzim Basha. Putini ka investuar në Shqipëri te Lulzim Basha, te Partia Demokratike, drejtëpërdrejtë apo indirekt.

Në atë kohë plasi një skandal, gazeta amerikane, ‘Mother Jons’, nxori skemën se si Lulzim Basha kishte bërë një kontratë me lobistin Nik Muzin ku do të pagueshin 500 mijë dollarë direkt nëpërmjet ‘Biniatta Trade LP”, një tjetër kompani offshore me pronarë rus dhe tri këste nga 150 dollarë sërish për Nik Muzine për lobim dhe 75 mijë dollarë që do të paguheshin nga PD-ja zyrtare.

Në Shqipëri nuk u hetua kurrë, thjesht disa procedura dhe dosja u mbyll. Lulzim Basha, njeriu që ka përfituar këto para, akuzuar tashmë nga mediat botërore se pas tyre qëndron Putini, atëherë e mohoi, akuzoi se e bënte Edi Rama, se i shpiknin gazetarët e të tjera si këto.

Sot jemi përballë faktit, Putini ka paguar Lulzim Bashën. 500 mijë dollarë thonë mediat botërore. Këtë nuk e mohon dot askush tashmë, rusët lobuan, Putini loboi, Luli u pagua, direkt apo indirekt, pa folur këtu për miqtë e tij të ngushtë që bënin biznese me rusët.

Lulzim Basha, vegla e Putinit, nuk mund të quhet kurrsesi viktima.

Në çdo rast ka shpëtuar me procedura nga skandale politike në Shqipëri. Këtë herë duket se duhet të japë llogari para drejtësisë si ka përfituar para ruse për të lobuar, dhe ky lobim e këto përfitime deklarohen publikisht nga mediat botërore, "AFP", "Zëri Amerikës", por edhe "BBC", se janë bërë nga Putini, nga Rusia. Ky është Luli, vegla e paguar e Putinit./CNA.al

 

Lajmet e fundit nga