web counter
LEXO PA REKLAMA!

SHKARKO APP

App Store
Google Play

Financimi i PD-së nga rusët/ Meta: Veprimet e Bashës, dhuratë e paimagjinueshme për Ramën

14 Shtator 2022, 22:20, Politikë CNA
Financimi i PD-së nga rusët/ Meta: Veprimet e Bashës,
Ilir Meta

Kryetari i Partisë së Lirisë, Ilir Meta, ka komentuar financimin e PD-së nga rusët, në kohën që drejtohej nga Lulzim Basha.

I ftuar në emisonin “Ora e Betit”, Meta u shpreh se në atë kohë ambasadori amerikan i ka shkuar në zyrë dhe ka ngritur këtë shqetësim.

Ai shtoi se lëvizjet e Bashës që nga ajo kohë kanë qenë dhurata ndaj Ramës për kapjen e shtetit.

“Këtu ka pasur një problem dhe kjo është e qartë. Kam thënë përpara që ish-ambasadori amerikan në atë kohë më ka ardhur në zyrë si president dhe më ka ngritur këto shqetësime sipas tyre. Është në koherencë edhe me lajmin e sotëm. Nuk e kam marrë seriozisht. E kam menduar të njëanshëm. 'Mother Jones' në atë kohë kishte publikuar edhe një mashtrim për LSI-në dhe ndaj nuk e mora seriozisht.

Unë nuk do hyj te kjo çështje sepse këtë e dinë më mirë SHBA-ja. Ajo që është e qartë është se veprimet që Basha ka marrë që nga ajo kohë në planin e brendshëm kanë qenë dhurata të paimagjinueshme për Edi Ramën. Bojkoti i reformës në drejtësi, largimi nga parlamenti dhe pushteti vendor. Janë tri akte që na kanë sjellë në këtë situatë”, deklaroi Meta./CNA.al

 





Lajmet e fundit nga