LEXO PA REKLAMA!

SHKARKO APP

Mero Baze bën thirrje: Bëhuni me Lulzim Bashën, paratë ruse i loboi Soros

14 Shtator 2022, 21:18, Politikë CNA
Mero Baze bën thirrje: Bëhuni me Lulzim Bashën, paratë ruse
Ish-kryetari i PD-së, Lulzim Basha dhe gazetari Mero Baze

Gazetari dhe analisti, Mero Baze, ka dalë në mbrojtje të Lulzim Bashës pas raportimeve të "BBC"-së, "AFP"-së dhe "Zërit të Amerikës" se ish-kryetari i Partisë Demokratike ishte paguar nga rusët e Vladimir Putin me 500 mijë dollarë.

Në një editorial, Mero Baze sulmon kreun aktual të PD-së, Sali Berisha, për rritjen e besimit te George Soros.

Vlera e vetme e raportit mbi financimet ruse për të rritur influencën politike në botë, është se ka zhvlerësuar gjithë akuzat e Berishës dhe krahut të tij ndaj Xhorxh Sorosit dhe e kanë kthyer atë në një njeri të dashur dhe të besueshëm për ta. Gjë tjetër të re nuk ka”, shkruan ai.

Duke hedhur akuza ndaj Berishës, për të cilin thotë se më parë ia ka lënë përgjegjësitë e lobimit Sorosit, gazetari ngre figurën e Bashës.

Mero Baze e cilëson Lulzim Bashën si të keqen më të vogël të SHBA dhe mendon se demokratët duhet të jenë krah tij sot dhe jo krah Berishës.

“Nëse qenka kështu puna, që PD paska dy liderë me probleme në SHBA, njëri “non grata” e tjetri i përfolur nga shtypi, atëhere më mirë të bëhen me këtë të dytin, si e keqja më e vogël për SHBA.

Demokratët që mbështesin Sali Berishën dhe që e lënë trurin të flejë në shtëpi kur shkojnë me të, mendojnë se kanë dalë në luftë me SHBA dhe Sorosin, dhe janë aleatë me çdo njeri që ka probleme me SHBA. Kjo e sotmja u ka përmbysur botën, pasi me këtë kriter që ata kanë, sot duhet të gëzoheshin që Basha u bë si ata, pra me probleme me SHBA, dhe jo ta sulmonin. 

E gjithë kjo tregon në fakt se sa të drejtë ka pasur Lulzim Basha, kur tha se pas Berishës ka shkuar vetëm llumi i PD”, vijon ai.

Teksa konsideron ish-kryeministrin si një “lider të thyer” anti-amerikan, gazetari i kërkon demokratëve të bashkohen me Bashën.

Nuk ka ditë më të zezë për demokratët e Berishës se kjo. Për më tepër që e dinë se qysh nesër SHBA mund t’i krahasojë dhe të thotë “Po, jemi me Bashën”, nënvizon Mero Baze./ B.A. – CNA.al

Lajmet e fundit nga