web counter
LEXO PA REKLAMA!

SHKARKO APP

App Store
Google Play

Financimi i PD-së nga Rusia/ Tensionohet situata mes demokratëve, çfarë deklarojnë deputetët

14 Shtator 2022, 20:37, Politikë CNA
Financimi i PD-së nga Rusia/ Tensionohet situata mes demokratëve,
Partia Demokratike

Skandali i çështjes së lobimit rus në Partinë Demokratike, duket se ka ‘trazuar’ sërish demokratët.

Deputetët e kësaj force politike i konsiderojnë të papranueshme akuzat, ndërkohë që kanë kërkuar përgjegjësi ligjore për ata që kanë pasur të bëjnë me ketë çështje.

Nga Grida Duma, Jorida Tabaku e Xhaferra, deputetët shprehen njëzëri se bëhet fjalë për riciklim akuzash dhe se nuk Basha i ka dhënë njëherë shpjegimet.

 “Unë them se riciklimi i akuzave të vjetra nuk i shërben as qytetarëve as publikut”, tha Tabaku.

“Duhet sa më tepër t’i largohet historisë së errët të lindjes. Nuk e ka, vënë ndonjëherë në dyshim DASH”, u shpreh Grida Duma.

“Nuk ka dalë provë tjetër, ky argument është përdorur vite më parë dhe zoti Lulzim Basha ka dhënë shpjegime”, tha Xhaferaj.

“Nëse janë të vërteta këto janë të papranueshme. Unë nuk besoj se është rasti, por nëse ndodh, kushdo që është i përfshirë një standard është nga SHBA partneriteti i PD duhet të jetë i pacënueshëm”, theksoi Kreshnik Çollaku.

“Çdo anëtar i Partisë Demokraike do të ndihej i neveritur nëse para ruse mund të ketë pasur, edhe ndikimin më të vogël”, u shpreh deputeti Ervin Salianji.

Sipas Agjencisë së lajmeve "AFP", Rusia ka shpenzuar 500 000 dollarë për të mbështetur PD-në në zgjedhjet e vitit 2017.

“Një burim i administratës i njohur me gjetjet pretendoi se Rusia kishte shpenzuar rreth 500,000 dollarë për të mbështetur Partinë Demokratike të qendrës së djathtë të Shqipërisë në zgjedhjet e vitit 2017 dhe gjithashtu financoi partitë ose kandidatët në Bosnjë, Mal të Zi dhe Madagaskar, sipas agjencisë së lajmeve 'AFP'”, thuhet në shkrimin e publikuar nga mediat amerikane.

Kujtojmë se Lulzim Basha u mor i pandehur në qershor të vitit 2019, për shkak të shpenzimit nga Partia Demokratike të disa qindra-mijëra dollarëve për lobim në SHBA gjatë vitit 2017, para që nuk ishin deklaruar si shpenzime në bilancin që PD-ja ka dorëzuar në Komisionin Qendror të Zgjedhjeve./CNA.al





Lajmet e fundit nga