web counter
LEXO PA REKLAMA!

SHKARKO APP

App Store
Google Play

Spaho, akuza qeverisë: Tentuat të mbyllni çështjen e lobimit rus

15 Shtator 2022, 14:37, Politikë CNA
Spaho, akuza qeverisë: Tentuat të mbyllni çështjen e
Edmond Spaho, deputeti demokrat

Sot në seancën e radhës parlamentare është folur edhe për financimet ruse në Partinë Demokratike.

Kreu i grupit parlamentar të PS-sç, Taulant Balla, iu drejtua demokratëve duke u thënë se kur ishin me Bashën e mohonin, ndërsa sot që janë kundër tij, thonë është e vërtetë.

“Dua të flas për një tjetër çështje të rëndësishme, financimin e depërtimeve të financimeve ruse. Kur unë e kam ngritur këtë çështje në vitin 2017 në këtë sallë, edhe Mondi (sa herë çoheshe këtu thoshe Taulanti ia fut kot), edhe Gjekmarkaj në studiot televizive… ne nuk jemi imunë. Kallëzimin për këtë çështje e kam bërë unë dhe çështja vijon të jetë nç dyert e drejtësisë sepse do ta çoj deri në fund. Kur ishit me Lulin bashkë thoshit nuk është e vërtetë, tani që jeni prishur me Lulin, thoni është e vërtetë. Është koha që ne të ndërmarrim të gjitha nismat ligjore përfshirë punën që po bëhet në komisionin e posaçëm të reformës. Si është ajo shprehja 'dëgjuam krisma'. E vërteta është që paska pasur krisma”, tha Balla.

Në lidhje me këtë ka replikuar deputeti Edmond Spaho, i cili akuzoi qeverinë, duke thënë se ishte Edi Rama ai që dërgoi sekretarin e Përgjithshëm të Këshillit të Ministrave për ta mbyllur këtë çështje. Ndër të tjera, shtoi se edhe sot po tentojnë ta mbyllin këtë çështje.

“Balla, ne flasim me fakte. Mos harro se është eprori yt që dërgoi sekretarin e përgjithshëm të Këshillit të Ministrave për ta mbyllur këtë çështje. Prapë edhe sot keni bërë tentativë për ta mbyllur”, tha Spaho./ CNA.al

 





Lajmet e fundit nga