E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Basha bëhet palaço/ DASH më kërkoi falje

17 Shtator 2022, 13:56, Editorial Elvi FUNDO

Lulzim Bashës mund t’i përdorja çdo epitet si politikan, mund t’i thoja jo serioz, i korruptuar, i paaftë, dështuar, duket edhe qesharak.

Por, përtej qesharakes Lulzim Basha duket se është kthyer në një palaço të vërtetë të politikës.

Disa ditë më parë Zëri i Amerikës, nëpërmjet një lajmi i cili u raportua nga disa nga media kryesore botërore si AFP, BBC etj, citonte një raport ku thuhej se në vitin 2017, rusët kishin financuar Ballkanin, dhe midis tyre edhe 500 mijë dollarë për Partinë Demokratike, atë kohë i drejtuar nga Lulzim Basha.

Gjithçka përkon me një lajm të raportuar në vitin 2018 nga “Mother Jonnes” mbi lobimet e Bashës në SHBA.

Basha bëhet palaço/ DASH më kërkoi falje

Skema sipas Mother Jones

Lidhje detyruese, kompani, para korrupsioni, apo para të ardhura nga palë të treta, kjo nuk ka rëndësi, dega e Biniatta Trade, ishte me menaxher rus.

Njerëzit afër Lulzim Bashës, personazhe si Ekim Alptekin, ishin të lidhur me biznese në Moskë, por edhe me influencë në SHBA, apo ngjarje që shkonin deri në rrëmbimin e klerikut Fetullah Gylen.

Lulzim Basha në dasmën e Ekim Alptekin

Pra, rrugët nga mund të kenë shkuar paratë janë të shumta, por fakti është se lobisti amerikan Nik Muzin, deklaroi para Departamentit të Drejtësisë, se ai kishte firmosur një kontratë 1 milionë e 50 mijë dollarë me Lulzim Bashën, ku do të kishte disa pagesa, një pagesë prej 500 mijë dollarë që do të jepej direkt, 3 pagesa me nga 450 mijë dhe një shumë prej 75 mijë dollarë.

Në fakt, më tej nga Ristani u deklarua se PD kishte vetëm 1 kontratë me 25 mijë dollarë.

Përtej këtyre informacioneve të përsëritura, lajmi mori dhenë, në Shqipëri u rikthye debate i katër viteve më parë për Lulzim Bashën, këtë “amerikanin e ri”, që në fakt ishte një njeri që qarkullonte para ruse.

E kishte bërë nga paaftësia, budallallëku apo se i duheshin këto para për të rrëzuar Ramën, kjo është ende për t’u parë, sepse duhen zhvilluar hetime të plota për të shkuar deri në fund dhe për të zbardhur të vërtetën si Lulzim Basha u financuar nga rusët.

Apo dhe dyshimet dhe akuzat e hedhura atëherë se protestat e opozitës transmetoheshin nga media ruse, apo faktet se Basha zhvilloi një çadër që sillte destabilitet.

Lulzim Basha në çadër, në vitin 2017

Në ato kohë nga agjensitë amerikane u tha se Ballkani ishte i rrezikuar nga ndikimet ruse.

Më tej në 2019, kur vetë Basha, i cili sot vetëshpallet proamerikani më i madh, kundërshtoi ndihmës sekretarin e shtetit Mathew Palmer, dhe shkoi dhe dogji mandatet, duke thënë se rruga nuk ka kthim.

Lulzim Basha pasi, ka dorëzuar mandatet në KQZ

Në ato kohë u tha se ishin influenca ruse që kishin ndikuar për destabilitetin e Ballkanit. Pra nuk janë ta pakata rastet.

Por, përtej këtyre fakteve që njihen nga politika, apo qarqet diplomatike, është edhe palaçollëku publik që bën Basha.

Pas daljes së këtij publikimi së fundmi po përpiqet që nëpërmjet disa mediave periferike të tij, të përgenjeshtrojë të vërtetën e thënë nga Zëri i Amerikës, AFP dhe BBC, dhe të dalë me një lajm, të cilin e ka prodhuar “qoftexhiu i Lulit”, i cili dikur ka punuar në një ministri me Ramën kryeministër.

Njeriu tjetër i tij, që kërkon një lëmoshë me shpresën se Basha do të rikthehet dhe do të jetë në krye të PD-së.

Dy vegla qorre të Lulzimit të paguara nga kunati, që turpësisht gënjejnë dhe tashmë e besojnë dhe vetë se Departamenti i Shtetit ka kërkuar ndjesë për raportin e Lulzim Bashës.

Së pari edhe “qoftexhiu i Lulit”, edhe i mjeri me lëmoshën e kunatit, kanë prodhuar një fake news.

Basha bëhet palaço/ DASH më kërkoi falje

CNA.al bëri një vëzhgim dhe nuk ka asnjë falje publike nga Departamenti i Shtetit, apo sqarim pë rastin Basha-Rusi.

Në rast se do të kishte ndodhur, Zëri i Amerikës, media veteë Luli dhe servilat e tij në faqet e tyre, do ta kishin publikuar këtë përgenjeshtrim, thjesht kanë gjetur disa karagjozë që i mbajnë me lëmoshë.

Nuk ka një përgënjeshtrim nga Departamenti i Shtetit, ka thjeshtë një ndjesë për një keqkuptim, raportuar në media, lidhur me një telefonatë të sekretarit Blinken me kryeministrin Italian, asgjë më shumë se kaq.

Pallavrat e periferikëve të Lulit se DASH i ka kërkuar ndjesë Lulit, tashmë nuk i beson më asnjeri, thjeshtë dhe vetëm nxjerrin si palaço liderin e tyre shpirtëror, i cili tashmë është një kufomë politike e pashpresë dhe përpiqet të përdorë disa kllouna të oborrit, për të përgënjeshtruar të vërtetën e thënë nga media potente botërore apo edhe vetë Departamenti i Shtetit./CNA.al