LEXO PA REKLAMA!

SHKARKO APP

“Rama dhe Basha po vjedhin pa tender”/ Malltezi “zbërthen” aferën 430 milionë euro të inceneratorëve

18 Shkurt 2022, 19:43, Politikë CNA
“Rama dhe Basha po vjedhin pa tender”/ Malltezi

Anëtari i Këshillit Kombëtar në PD, Jamarbër Malltezi, ka komentuar aferën 430 milionë euro të inceneratorëve, për të cilën janë shpallur në kërkim Klodian Zoto dhe Stela Gugallja.

Malltezi në një intervistë për media theksoi se në këtë aferë është bërë vjedhje masive. Ai shtoi se Rama dhe Basha janë të dy të implikuar, duke vënë në dukje se SPAK duke qenë nën urdhërat e Edi Ramës, nuk guxon t?i thërrasë dhe as hetojë.

?LSI nuk u pranua në Komisionin Hetimor, sepse ka denoncuar. Luan Baçi nuk u pranua në Komision dhe kjo është e turpshme. Alqi Bllako nuk u mor në pyetje në Komision. Besoj kemi grup të strukturuar kriminal që vjedh e së paku ka shpërdorim masiv detyre. SPAK po punon me piceta. SPAK nuk guxon të thërras Edi Ramën, minimum ka shpërdorim detyre. Kujtojmë se për shpërdorim detyre kemi në burg Thoma Gëllçin, kemi kryebashkiakun e Lushnjës. Janë 15 milionë euro pa tender, është kompania e Bashës dhe e Ramës, e kjo e fundit është nën pronësi të Klodian Zotos.

Rama dhe Basha po vjedhin pa tender fare. Vjedhja është masive e nuk ndihet as Komisioni e as SPAK. Është aferë ku është përfshirë Basha dhe Rama, janë të dy bashkë. 15 milionë euro pa tender është çmenduri, sepse ligji e ka se për një shumë kaq të madhe, duhet tender i hapur ndërkombëtar. E pakta është shpërdorim detyre, nuk kanë thirrur Luan Baçin dhe as LSI-në. SPAK e Komisioni duket se janë të kapur. SPAK është kapur nga Rama e nuk guxon të thërrasë e hetojë.

Që ka shkelje këtë e kupton edhe një student i vitit të tretë në Juridik. SPAK po bën ballo me maska. Zoto ka hotel të madh në mes të Tiranës dhe ka zyra te Sky Touer, ku është pare teksa hyn edhe Arben Ahmetaj. Lefter Koka ka pasur aferë 1 përqind sa këta e u kap e këta nuk kapen. Këtu koka është Rama, Alqi Bllako është përfshirë deri në fyt, babai i tij noton në para e vëllai i tij, me paratë e inceneratorëve blejnë të gjitha mediat?, tha Malltezi./E.K-CNA.al

Lajmet e fundit nga