LEXO PA REKLAMA!

SHKARKO APP

Detajet që “kryqëzojnë” pronarët e inceneratorëve/ Tabaku: Po flasim për skemë pastrimi parash

15 Shkurt 2022, 13:54, Politikë CNA

Mbledhja e Komisionit Hetimor Parlamentar për inceneratorët, ditën e sotme është shoqëruar me debate.

Në mbledhjen e sotme, po dëshmojnë administratori i shoqërisë ?Intergrated Technology Services? shpk, Faraudin Arapi, dhe Administratori i Shoqërisë ?Albtek Energy? shpk, Arjan Baçi.

Kryetarja e Komisionit, Jorida Tabaku, iu ka kërkuar dy administratorëve të tregojnë nëse kanë pasur lidhje me kpmpani nënkontraktuese që zotërohen nga Klodian Zoto dhe Stela Gugallja, dy personat e shpallur në kërkim.

Tabaku hodhi dyshime për një skemë pastrimi parash.

Pjesë nga diskutimet:

Tabaku: Çështja e energjisë për inceneratorin nuk është aq e thjeshtë. Është shumë e rëndësishme, sepse është dhënë një koncesion i dytë.

Baci: Nuk jemi në dijeni të kësaj.

Tabaku: Z. Arapi çfarë të ardhurash merrte kompania?

Arapi: Për cilën kompani?

Tabaku: Për të dyja kompanitë.

Arapi: Me të dhënat që kam unë, kompania ?Tek? e ka mbyllur angazhimin e saj. Vlera që përmende ka të bëjë vetëm me një kredi të marrë për pagat. Janë rreth 12 860 lekë. Problemi që diskutoni, për mua vlera e projektit nuk është tejkaluar dhe nuk tejkalohet.

Tabaku: Kemi një kontratë koncesionare 21.6 mln euro, ndërkohë që ka të ardhura 40 mln euro. Përveç pagesës nga buxheti i shtetit, kompania ka kryer pagesa të tjera? Nga kanë ardhur të ardhurat?

Arapi: Vlera 40 milionë e llogaritur nga ju, nuk është një vlerë ekstra e shtuar në vlerën e projektit. Vlera e projektit me zyrën e kontabilitetit janë të përputhura totalisht. Vlera 40 milionë është e pajustifikuar dhe nuk ekziston për mua.

Tabaku: Ju sugjeroj të shikoni dhe njëherë bilancet. Bilanci thotë 40 milionë. Kompanitë tuaja a kanë nënkontraktuar nënkompani të zotëruara nga Gugallja e Zoto?

Arapi: Sipas pasqyrave që disponoj, Shoqëria Integrate?, është krijuar më 2010 dhe në vazhdimësi di që ka aktivitet për landfill, pra është aksioner në disa kompani.

Tabaku: Unë kam nxjerrë këtu të paktën 30 nënkompani që zotërohen nga Zoto e Gugallja.

Arapi: Ai zotëron kapitale në disa shoqëri, askush nuk ja ka hequr të drejtën. Shpjegova që Klodian Zoto, ish-administrator dhe ortak i vetëm i kompanisë, ka realizuar një fitim prej më shumë se 40 milionë për vitin 2020, se nuk ka dalë ende 2021. Ka qenë e drejtë e tij, sepse nuk ka qenë ende nën hetim. Nuk ka nevojë t?iu mbush unë mendjen, sepse ju i keni nënkontratat. Mund të ketë 110 nënkontrata për shërbime të ndryshme. Të mos e ngatërrojmë këtë. Ndërsa si aksioner, po, pjesën e fitimit e shpërndan.

Tabaku: Sa etike është që Stela Gugallja zotëron një kompani auditimi, që bën auditimin e këtyre bilanceve?

Arapi: Aktualisht?

Tabaku: Aktualisht janë në kërkim ata, por po them?

Arapi: Ja t?ua shpjegoj. Me studion ku ka qenë Gugallja mbajmë vetëm një studio. Aktivitet të mirëfilltë të vlerave që dalin nga studio nuk ka më, këtë e them me përgjegjësi.

Tabaku: Ne po diskutojmë për skemë pastrimi parash këtu.

Arapi: Është pjesë e procesit të hetimit. Vlera totale e inceneratorit të Elbasanit është 25 420 mijë. Është me fatura të likuiduara përmes bankës. Aktualisht, nuk ka asnjë vlerë të dëmit, apo penalitete që lidhen me shtyrjen e afateve. Ju them sinqerisht që nuk disponoj asnjë lloj penaliteti. Janë likuiduar paratë brenda afateve, në marrëveshjen që ka pasur me bankat./CNA.al

Lajmet e fundit nga