LEXO PA REKLAMA!

SHKARKO APP

Rritja e çmimit të karburanteve/ Meta kërkon hetime, flet për kartele dhe oligopole

15 Shkurt 2022, 13:12, Politikë CNA
Rritja e çmimit të karburanteve/ Meta kërkon hetime, flet

Presidenti Ilir Meta zhvilloi sot një takim me Administratorin e Përgjithshëm të ?Konfindustria?, Gjergj Buxhuku.

Meta theksoi se, në takim u diskutua për situatën e rritjes së çmimit të karburanteve dhe të energjisë elektrike në vend.  Meta kërkoi që që të hartohet sa më shpejt një komisioni hetimor për tregun e karburanteve.

?Një takim i frytshëm me Administratorin e Përgjithshëm të ?Konfindustria?, z.Gjergj Buxhuku për të diskutuar për situatën tepër kritike të rritjes së çmimit të karburanteve dhe të energjisë elektrike në vend, me pasoja shkatërruese afatshkurtra dhe afatgjata për qytetarët shqiptarë dhe ekonominë kombëtare.

I shpreha mbështetjen e plotë për kërkesën e ?Konfindustria? drejtuar Autoritetit të Konkurrencës për të hetuar sa më shpejt dhe me përgjegjësi mënyrën se si funksionon tregu strategjik i karburanteve, praninë e përqëndrimeve, karteleve dhe oligopoleve, si dhe marrjen e masave ligjore përkatëse në mbrojtje të interesit publik.

Nisur nga rëndësia e veçantë për ekonominë kombëtare dhe mirëqenien e qytetarëve shqiptarë, e përkrah fuqimisht kërkesën e ?Konfindustria? drejtuar Kuvendit të Shqipërisë për ngritjen e një komisioni hetimor parlamentar për tregun strategjik të karburanteve, si dhe punën e agjensive rregullatore, efektiviteti i të cilave ka qenë tepër i ulët në mbrojtje të interesit qytetar?, shkruan Meta./CNA.al

Lajmet e fundit nga