web counter
LEXO PA REKLAMA!

SHKARKO APP

App Store
Google Play

“Muka është kandidatura më e mirë që ka patur PD”/ Bylykbashi: Në 2015 humbëm Durrësin nga Duma

14 Shkurt 2022, 21:24, Politikë CNA

Deputeti i Partisë Demokratike, Oerd Bylykbashi ka folur mbrëmjen e sotme për zgjedhjet e pjesshme lokale, konkretisht për ato të Durrësit, ku do të kandidojë Ardian Muka, si kandidat i “Shtëpisë së Lirisë”.

Bylykbashi në një intervistë për emisionin ?Të Paekspozuarit? me Ylli Rakipin tha se Muka është kandidati më i mirë që ka patur PD në Durrës, ndërsa shpjegoi edhe si kandidatura e Grida Dumës në vitin 2015 ishte e imponuar nga Lulzim Basha dhe jo një dëshirë e anëtarësisë, çka solli humbje mjaft të rëndë.

“Zoti Ardian Muka është një kandidat që për herë të parë PD pati mundësinë ta nxjerrë me votën e saj. Një nga elementet e rëndësishme që futëm për të demokratizuar partinë, ishte vendosja e primareve.

Zoti Muka është përzgjedhur nga vota e qytetarëve me një mazhorancë të gjerë.

Në të shkuarën zoti Basha ka imponuar kandidatët, në momentin e fundit, duke i çuditur të gjithë. Ishte vendimarrje që nuk pati lidhje me konsultat e bëra me anëtarësinë, thjesht donte të kishte atë kandidate (Grida Dumën).

Durrsakët duket qenë të zgjuar, e treguan me votë. Ne patëm një humbje të rëndë, me 13 mijë vota. Nuk kishte ndodhur të kishim atë humbje. U perceptua nga partia si zgjedhje e Bashës.

Ndërsa zoti Muka është zgjedhje e anëtarëve. Muka është kandidatura më e mirë që ka patur PD dhe opozita. Aleatët e kanë bërë të qartë që mbështesin zotin Muka“, tha Bylykbashi./E.K-CNA.al





Lajmet e fundit nga