LEXO PA REKLAMA!

SHKARKO APP

KAS merr në shqyrtim kandidatin Jani Nano

14 Shkurt 2022, 14:22, Politikë CNA
KAS merr në shqyrtim kandidatin Jani Nano

Komisioni i Ankimimeve dhe Sanksioneve në seancën e sotme ka marë në shqyrtim Jani Nanon, pas ankimimit të LRE për regjistrimin e kandidatit të kësaj partie për Kryetar Bashkie i Durrësit.

Seanca u drejtua nga Kryetari i KAS, Ilir Rusmali. Në seancën paraprake ishin të gjithë anëtarët e KAS të pranishëm.

LRE përfaqësohej nga juristja Evisa Ziu Nano, nga Kandidati i LRE për Kryetar Bashkie i Durrësit, Jani Nano si edhe nga vetë Kryetari i LRE, Arian Galdini.

LRE ka paraqitur pranë KAS ankimimin dhe kërkesën për regjistrimin e kandidatit të kësaj partie për Kryetar Bashkie i Durrësit.

KQZ me vendimin e dt 12 shkurt 2022, ka vendosur mosregjistrimin e kandidatit të LRE, Jani Nano.

Ndërkohë që LRE deklaron se KQZ nuk e ka ushtruar detyrimin ligjor për ta njoftuar Partinë ose Kandidatin për mangësi apo parregullsi, 24 orë pas dorëzimit të dokumentacionit.

Gjithashtu, LRE deklaron se KQZ është në një situatë flagrante 2 standartesh, sepse janë 2 kandidatë të LRE që kanë dorëzuar të njëjtin dokumentacion, absolutisht të njëjtat dokumenta me të njëjtën përmbajtje e dinamikë proçeduriale e ligjore, dhe Kandidati i LRE për Kryetar Bashkie i Dibrës, Dritan Torba është regjistruar me vendim të KQZ, ndërsa kandidati i LRE për Kryetar Bashkie i Durrësit Jani Nano nuk është regjistruar me vendim të KQZ.

Pra e njëjta parti, të njëjtat proçedura, të njëjtat dosje, dhe 2 vendime të kundërta nga e njëjta KQZ.

LRE e konsideron këtë situatë absurde ndaj edhe kërkon nga KAS korrektimin dhe regjistrimin e kandidatit të LRE për Kryetar Bashkie i Durrësit, Jani Nano./ CNA.al

Lajmet e fundit nga