LEXO PA REKLAMA!

SHKARKO APP

App Store
Google Play

“Pasojat janë të rënda”/ Ish-ministri bën paralajmërimin e fortë: Sistemi do kolapsohet

15 Shkurt 2022, 09:03, Politikë CNA
“Pasojat janë të rënda”/ Ish-ministri bën

Ish-ministri I Drejtësisë, Ylli Manjani ndërsa ka komentuar situatën politike në vend, bën edhe një paralajmërim të fortë.

Në një postim rrjetet sociale, Manjani thekson se pasojat që do vinë më pas, do jenë edhe më të rënda.

Sipas Manjanit, sistemi ku jemi do kolapsë dhe s’ka rrugë tjetër, vetem duhet të jemi gati për ta filluar nga fillimi me një Kushtetutë të re.

?Nga fillimi?

Nuk kemi asgjë në terezi. Asnjë e ashtuquajtur reformë nuk bën më fajde. Rrëshqitja është e shpejtë. Liria, demokracia, drejtësia dhe ekonomia po shkojnë keq e më keq.

Politika është përgjegjëse për këtë rrëshqitje. Kush më shumë e kush më pak, ata që udhëhoqën e udhëheqin janë përgjegjës. Partitë janë shndërruar në nukle dhune, pa asnjë lidhje me vullnetin e lirë.

Pasojat janë këto që shohim. Ka edhe të tjera që do vijnë. Edhe më të rënda. Ky stan këtë bulmet prodhon.

Nuk mund të kemi as sistem të ri zgjedhjesh e as organizim të ri territorial, siç rreket të na bindë Lul Basha me Taulant Ballën. Edi Rama as e qeth fare. Asnjë fjalë nuk harxhon më për këto tema.

Janë të kalbur në themel. Të krimbur në para brenda këtij sistemi politik e kushtetues. Atëhere si mund të presim që këta do ndyshojnë sistemin?!

Ndërkohë nuk ka asnjë zgjidhje tjetër përveç kapsulimit të këtij sistemi politik dhe të kësaj Kushtetute që është unike në botë. Duhen groposur.

Duhet ta fillojmë nga fillimi. Me një marrveshje të re që synon pavarësimin e individit nga pushteti. Një sistem të ri ekonomik ku ka liri, garë e pronë private.

Një shtet shërbëtor e drejtësi mbi çdo pushtet.

Sistemi ku jemi do kolapsë. Ska rrugë tjetër.

Detyra jonë është të jemi gati për ta filluar nga fillimi me një Kushtetutë të re.?-shkruan Ylli Manjani./CNA.al

Lajmet e fundit nga