E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Kujt po i bën presion Lefter Koka?

17 Tetor 2022, 12:46, Aktualitet CNA

Tri ditë më parë Lefter Kokës iu rrëzua nga GJKKO kërkesa për heqjen e masës së sigurisë nga "arrest me burg" për inceneratorin e Fierit.

Për Lefter Kokën masa e arrestit është marrë për 2 çështje.

Për inceneratorin e Fierit dhe atë të Elbasanit.

Meqë masat e sigurisë dikur u dhanë dy dhe të dyja u përcaktuan si "arrest në burg" sot avokatët e Kokës dorëzuan kërkesën për zbutjen e masës së sigurisë, nga “arrest me burg” në “arrest shtëpie”, për inceneratorin e Elbasanit.

GJKKO megjithëse mund të referonte te vendimi i përpara 3 ditëve e shtyu vendimin për më 7 nëntor.

Megjithëse edhe nëse gjykata zbuste masën e arrestit për Elbasanin, Koka mbetet në burg për Fierin.

Duket pak e çuditshme që avokatët kanë vendosur që të vijojnë procedurën për njërën masë.

Gjykata nuk mundet të ndryshojë masën e sigurisë për Elbasanin dhe ta ndryshojë në "arrest shtëpie" pasi në këtë rast dhe sipas kësaj logjike, Lefter Koka duhet të ndahet në dysh dhe gjysma të rrijë në burg e gjysma në shtëpi.

Kërkesa e avokatëve nuk ka kuptim logjik, por lëvizja e tyre merr kuptim jo nga ajo që ata depozituan, por nga ajo që deklaruan përpara kamerave.

Për ta bërë atë deklaratë duhej sebepi procedural i depozitimit të kërkesës për Elbasanin.

Avokatët e Kokës e quajtën klientin e tyre “kurban” të politikës dhe drejtësisë.

Sipas tyre është absurde mbajtja në paraburgim e një njeriu ende të pafajshëm dhe në gjendje të rëndë shëndetësore.

"E përsëris në gjendje të rëndë shëndetësore, gjendje e cila është konstatuar në mënyrë ulëritëse nga të paktën 5 mjekë që janë përzgjedhur nga Prokuroria, jo nga ne. Miqtë e mi, asnjë ligj brenda shoqërisë demokratike nuk paraburgos njerëz të sëmurë dhe që nuk pengojnë drejtësinë. Në një vend ku gjykata nuk indoktrinohet nga politika gjyqtari nuk mund të bëjë rolin e mjekut. Lefter Koka nuk e pengoi për asnjë çast drejtësinë, tashmë në gjendje të rëndë shëndetësore nuk ka asnjë shans as ta pengojë e as t'i ikë asaj. Lefter koka mbahet në paraburgim padrejtësisht dhe në diskriminim të plotë për vepra, të cilat kanë ndodhur para 8 vitesh dhe të gjitha dosjet administrohen sot nga prokuroria.

Të paraburgosur të tjerë në kushte shumë më të lehta se Lefteri janë lënë të lirë të hetohen", tha avokati Julian Mërtiri.

Inceneratorët/ Paralajmëron avokati i Lefter Kokës: Shumë shpejt do të dalë e vërteta
17 Tetor, 11:39

"Në gjyq do mësoni gjëra që si keni dëgjuar".

Ky është paralajmërimi i avokatit të Lefter Kokës dhe duhet të jetë ky deklarim qëllimi i organizimit të procedurës së depozitimit të ankimimit për masën e arrestit për Elbasanin.

“Do shkojmë në gjyq të hapur, ku ju jeni të ftuar prej nesh të vini e të shihni e dëgjoni vetë se çka ndodhur? Kush bëri çfarë?! Hajdeni në gjyq, mos përhapni më thashetheme me 'WhatsApp'. Hajdeni se mbase do mësoni gjëra që si keni dëgjuar më parë. Lefter Koka është i sëmurë, por është gjallë. Ju faleminderit për vëmendjen. Hajdeni në gjyq”, tha avokati Mërtiri.

Në një kohë kur Alqi Bllako, u la në "arrest shtëpie" dhe do të ndjekë hetimet nga shtëpia, janë shpallur në kërkim, por policia refuzon t'i gjejë, Stela Gugallja dhe Klodian Zoto, ndërsa Lefter Koka mbahet në burg.

Kujt po i bën presion Lefter Koka?

Lefter Koka veprat nuk i ka bërë i vetëm. Ai akuzohet për “Shpërdorim të detyrës”, në bashkëpunim, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.