web counter
LEXO PA REKLAMA!

SHKARKO APP

E fundit!

x

Në gjendje të rëndë shëndetësore/ Lefter Koka dërgohet në spital

22 Korrik 2022, 16:03, Kronika CNA
Në gjendje të rëndë shëndetësore/ Lefter Koka
Ish-ministri i Mjedisit, Lefter Koka

Ish-ministri i Mjedisit, Lefter Koka, është larguar ditën e sotme nga ambientet e qelisë.

Mësohet se shkak për këtë është bërë gjendja e tij shëndetësore, pasi dyshohet se ka probleme kardiake.

Mediat raportojnë se Koka është transferuar në spitalin e burgut në gjendje të rënduar shëndetësore dhe me maskë oksigjeni.

Lefter Koka është arrestuar në dhjetor të vitit të kaluar  me akuza për disa vepra penale në lidhje me hetimet për procedurën mbi kontratën e koncesionit për ndërtimin e impiantit të trajtimit të mbetjeve urbane dhe prodhimit të energjisë në Qarkun e Elbasanit.

Koka akuzohet se përvetësoi rreth 5 mln euro nga inceneratorët në Elbasan dhe Fier.

Konkretisht, ish-ministri dyshohet se ka konsumuar veprat penale “shpërdorimi i detyrës”, kryer në bashkëpunim, “korrupsioni pasiv i funksionarëve të lartë shtetërorë ose i të zgjedhurve vendor”, si dhe “pastrimi i produkteve të veprës penale apo i veprimtarisë kriminale” , kryer në bashkëpunim.

Inceneratorët, për të cilët CNA.al ka publikuar një dosje të plotë investigative, është një ndër dosjet më të akuzuara jo vetëm nga mediat por edhe nga Opozita, e cila e ka cilësuar si një aferë korruptive./ B.A.-CNA.al





Lajmet e fundit nga