LEXO PA REKLAMA!

SHKARKO APP

Dhunë e vjedhje/ Vihen në pranga 5 persona, ja akuzat që rëndojnë mbi ta

22 Korrik 2022, 13:31, Kronika CNA
Dhunë e vjedhje/ Vihen në pranga 5 persona, ja akuzat që
Foto ilustruese

Pesë persona janë arrestuar në Tiranë, për vepra penale të ndryshme.

Specialistët për Hetimin e Krimeve në Komisariatin e Policisë Nr. 2 arrestuan në flagrancë shtetasin E. P., 31 vjeç, pasi dyshohet se ka vjedhur një sasi karburanti në një subjekt privat. Pas verifikimeve ka rezultuar se ky shtetas kishte shkelur masën e sigurisë “Arrest në shtëpi”, duke dalë jashtë banesës. 

Specialistët për Hetimin e Krimeve në Komisariatin e Policisë Nr. 6 arrestuan në flagrancë shtetasin E. B., 45 vjeç, banues në Tiranë, pasi ka ushtruar dhunë ndaj bashkëshortes.

Specialistët e Qarkullimit Rrugor arrestuan në flagrancë shtetasit:

- K. A., 51 vjeç, B. H., 31 vjeç, të dy banues në Tiranë, pasi u kapën duke drejtuar automjetet, në gjendje të dehur; 

- B. Z., 31 vjeç, pasi u kap duke drejtuar motomjetin, në gjendje të dehur.

Materialet i kaluan Prokurorisë, për veprime të mëtejshme procedurale./E.T-CNA.al

Lajmet e fundit nga