web counter
LEXO PA REKLAMA!

SHKARKO APP

App Store
Google Play

E fundit!

x

“Çfarë po ndodh?”/ Artan Hoxha: “Bana King” nuk u hetua nga SPAK

21 Korrik 2022, 22:53, Kronika CNA
“Çfarë po ndodh?”/ Artan Hoxha: “Bana King”
Gazetari Artan Hoxha

Gazetari Artan Hoxha ka folur sërish mbrëmjen e sotme për kotejnerin e hapur të “Bana King” në portin e Durrësit, ku dyshohet se kanë humbur disa arka me drogë.

Hoxha shpjegoi rrjedhën e ngjarjes dhe e lidhi atë me humbjen e disa arkave në një tjetër kontejner të kësaj kopanie, në dhjetor të 2021-shit.

Ai ngriti dyshime, teksa deklaroi në emisionin "Të Paekspozuarit" se SPAK nuk po e merr përsipër këtë  se SPAK nuk po e merr përsipër këtë çështje dhe po ia lë prokurorisë së Durrësit. 

"U konstatua në datën 16 korrik, që njëri nga kontejnerët, që ndodhej në sheshin e kontejnerëve, i vendosur në katin e dytë, kishte derën e prekur. Pra, plumbçet e hapura, kodet e sigurisë së hapura. Lindi dyshimi që mund të jetë prekur. Menjëherë nisi një hetim i shpejtë që konkludoi se kontejneri ishte i prekur. Ngarkesa kishte ardhur nga Ekuadori. Ka hyrë në portin e Durërsit në 8 korrik. Deri në datën 16 e kishin lëvizur disa herë. Kompanitë e marrin mallin në bazë të një grafiku që koordinohet me portin.

Në sheshin e kontejnerëve, zakonisht ato që vijnë nga Ekuador, rrinë në një vend që ka më shumë mbulim me kamera, por ky kontejner nuk u vendos në zonën e riskut. Dyshohet që në këtë kontejner janë bërë ndërhyrje. U kalua në skaner dhe rezultoi i prekur, i mungonin 60 arka. Zakonisht një kontenier, vjen me 24 deri në 25 ton banane. Nuk ka asnjë tregtar interes ta sjellë bosh, por e sjell në maksimum. Kur konstatohen vende bosh, diçka ka ndodhur.

Në rastin e dhjetorit po e njëjta kompani, mungonin 106 arka. 7 u gjetën brenda në magazinën e kompanisë, në secilën kishte nga 17kg kokainë, në total 119 kg kokainë. Pra kontejneri është prekur pa vajtur në skaner.

U bënë arrestime, ata që janë rreth e rrotull, niveli i rojeve të sigurisë, disa agjentë të portit, nja dy përfaqësues të kompanisë. Çështja u mundua të kalohej në qetësi. Të arrestuarit u nxorrën në gjykatë, pa thënë se për çfarë dyshohen. Këta janë arrestuar për kontrabandë bananesh? Nuk është thënë gjë për kokainën, thjesht që mungojnë…

Kemi të bëjmë me të njëjtën kompani, të njëjtën mënyrë, të njëjtën linjë dhe ndryshe nga rastet e tjera, kur kokaina ka qenë e vendosur në pjesën frigoriferike, ose në paretet anësorë, në trup… Në këto dy raste, që dyshohet të jetë sërish 1 ton.

Kjo ngjarje ka tërhequr shumë vëmendje sidomos te partnerët tanë. Nëse në rradhën e parë, që e diskutuam dhe nuk u fol më, nuk u hetua edhe nga SPAK, çfarë ndodh? Me të parën nuk e heton SPAK, por prokuroria e Durrësit.

Një tregtari tjetër që i janë gjetur në pjesën frigoriferike, ku mund të futësh edhe duart, janë në burg ata nga SPAK. Ky tjetri, që vetëm trefishoi buxhetin e reklamave në media… Edhe në stadium kur luajti kombëtarja doli brand-i i kompanisë...", theksoi gazetari./ B.A. - CNA.al





Lajmet e fundit nga