web counter
LEXO PA REKLAMA!

SHKARKO APP

App Store
Google Play

Erdhi nga Greqia/ Detaje të reja për gomonen që ndiqej nga Guardia di Finanza, zbulohet destinacioni

20 Korrik 2022, 11:07, Kronika CNA

Erdhi nga Greqia/ Detaje të reja për gomonen që ndiqej nga

Të tjera detaje kanë dalë në dritë në lidhje me gomonen që ishte vënë në ndjekje nga Guardia de Finanza.

Ishte Frontex ai që pikasi gomonen, ku dyshohet se kishte lëndë narkotike, dhe më pas ka lajmëruar Guardia de Finanza dhe policinë shqiptare. Ndjekja ka vijuar nga ajri dhe deti.

Ndërkohë, dyshohet që mjeti ka ardhur nga Greqia dhe kishte destinacion Malin e zi.  

Ndërkohë, një gomone u gjet e djegur në Godull të Kurbinit në zonën pranë hidrovorit dhe dyshohet se bëhet fjalë për të njëjtin mjet që po ndiqte Guardia de Finanza.

Gomonia është djegur rreth orës 03:00 të mëngjesit.

Policia bën me dije se deri tani nuk është konstatuar asnjë person apo send i kundërligjshëm, teksa hetimet vijojnë.

“Më datë 20.07.2022, rreth orën 05:30, në derdhje të hidrovorit të Adriatikut, në breg të detit, në Godull, Kurbin, është konstatuar nga shërbimet e Policisë, një mjet lundrues, duke u djegur. Shërbimet e Policisë vijojnë krehjen e zonës. Deri tani nuk është konstatuar asnjë person apo send i kundërligjshëm. Grupi hetimor vazhdon hetimet për sqarimin e rrethanave të ngjarjes”, njofton policia./CNA.al





Lajmet e fundit nga