web counter
LEXO PA REKLAMA!

SHKARKO APP

App Store
Google Play

Ministria e Mbrojtjes bën bilancin ditor/ Si paraqitet situata nga zjarret

19 Korrik 2022, 22:13, Kronika CNA
Ministria e Mbrojtjes bën bilancin ditor/ Si paraqitet situata nga zjarret
Foto ilustruese

Ministria e Mbrojtjes ka përditësuar të dhënat më të fundit nga terreni për situatën e zjarreve në vendin tonë.

Sipas ministrisë së Mbrojtjes, ka një normalizim të situatës së zjarreve në 10 vatra problematike, të zhvilluara gjatë 24 orëve të fundit.

Aktualisht janë nën kontroll dhe drejt shuarjes dy vatrat në Qarkun e Vlorës.

Në qarkun e Durrësit janë neutralizuar 4 vatra zjarri, duke shmangur rreziqet për zonat e banuara.

Më e qetë është situata edhe në një vatër në fshatin Patin në Klos, si dhe në Vorë në fshatin Marikaj.

Me një punë të përqendruar prej 2 ditësh të forcave zjarrfikëse, efektivëve të FA e punonjësve të emergjencave civile u arrit të izolohej zjarri në Orosh të Mirditës. Vëmendja është përqendruar në shpatin e malit në Balldren, në fshatin Lekbibaj në Tropojë si dhe në fshatin Dushk në Bashkinë e Lushnjes.

Ministria e Mbrojtjes bën me dije se të gjitha kapacitetet në nivel vendor dhe qendror janë në gatishmëri të plotë për mbajtjen nën kontroll të situatës./ B.A. – CNA.al





Lajmet e fundit nga