LEXO PA REKLAMA!

SHKARKO APP

Vet’varja në burgun e Durrësit/ Artan Hoxha ngre dyshime

22 Korrik 2022, 14:40, Kronika CNA

Vet’varja në burgun e Durrësit/ Artan Hoxha ngre dyshime

Më 19 korrik një ngjarje e rëndë u regjistrua në Durrës ku një i burgosur u tha se kreu vetëvrasje duke u varur në qeli.

Bëhet fjalë për 44-vjeçarin Roland Hasani, i dënuar për vrasje.

Nuk dihet ende dinamika se si ka ndodhur ngjarja e rëndë, ndërsa pritet të zbulohen më shumë detaje në vijim.

Lidhur me këtë ngjarje të rëndë, gazetari Artan Hoxha, në "ABC Live" u shpreh se viktima ka vdekur si pasojë e një arresti kardiak dhe jo nga vetëvarja. Sipas Hoxhës, i ndjeri ka hipur me këmbët e veta në ambulancë.

Hoxha, ka shtuar se për shkak të procedurave, shpeshherë ka ndodhur që të burgosurve nuk u është dhënë ndihma e specializuar në kohë.

“Nuk ma mbush mendjen që ky person është vetëvarur dhe ka hipur vetë në ambulancë dhe ka vdekur rrugës. Ai ka hipur me këmbët e veta në ambulancë. Për këtë ka shumë dëshmitarë aty. Ka lidhje me një gjë tjetër aty. Për shkak të disa vendimeve dhe rregullores së burgjeve personat që kanë probleme shëndetësore duhet të plotësojnë raport të veçantë. Ai ka vdekur nga arresti kardiak. Ka pasur nevojë për ndihmë të specializuar. Nuk është çuar në kohë. Dënimin me vdekje ne e kemi hequr dhe ke përgjegjësi për jetën e të burgosurve. Në rastet e arrestit kardiak nuk mund të lësh në dorën e gardianit se nuk do t'i hapë derën e qelisë dhe të hyjnë të gjithë brenda. Se rrezikon nivelin e sigurisë. Duhet marrë leje nga prokurori dhe të çojë mjekun. A ka kohë dhe mundësi për ta shpëtuar një person që nuk pret puna?” tha Hoxha.

Lajmet e fundit nga