LEXO PA REKLAMA!

SHKARKO APP

Qindra miliona euro të vjedhura/ Pronarët e inceneratorëve në kërkim, Rama i merr në mbrojtje

23 Shkurt 2022, 09:24, Aktualitet CNA

Kryeministri Edi Rama do të dëshmojë sot në orën 12 para Komisionit hetimor për inceneratorët. Mëngjesin e sotëm, Rama, ka shkruar në rrjete sociale, duke thënë se mezi po e pret përballejn me komisionin.

Ai vazhdon të thotë se nuk bëhet fjalë për qindra milionë lekë të vjedhura. Në replikën me një qytetar, të cilit i duket çmenduri dërgimi i plehrave nga Durrësi në Tiranë, Rama kundërpërgjigjet duke sulmuar partitë opozitare dhe duke u marrë me situatën në të cilën ato ndodhen.

Edhe akuzat e qytetarit i barazon me akuzat e partive politike opozitare.

Ndër të tjera qyetari i përmend edhe njerëzit e inceneratorëve që janë në kërkim, por sipas Ramës kjo është një përqeshje përgojuese

Qytetari: Këte nuk e marr vesh …që Durrësi i sjell plehrat në Tirane …..pa lidhje fare …po veç me naftën që harxhojnë kamionët me ardh në Tirane nuk i Dilet….apo ka mendu shteti dhe tre të arratisurit nga Drejtësia (Zoto-Gugallja-Mërtiti) edhe për këtë…..Shyqyr thuaj që nuk i çojnë në Shkup ….për me fry faturat boshe akoma më shumë

Rama: Po të kesh disponim për të dëgjuar shpjegimin e kësaj, besoj se do ta kuptosh shumë kollaj pse kjo përqeshje përgojuese nuk është dinjitoze, por gjuha dhe lloji i akuzave jane fiks si të atyre dy partive, të cilat kur ishin një e mbuluan Durrësin me helmin e me turpin e plehrave të Porto Romanos, kurse sot njëra i bie gozhdës dhe tjetra patkoit për qindra miliona të vjedhura që nuk ekzistojnë.

Pronarët e inceneratorëve në kërkim

Kujtojmë se Stela Gugallja dhe Klodian Zoto janë shpallur në kërkim ndërkombëtar në lidhje me çështjen e skandalit të inceneratorit të Elbasanit, ku në pranga deri tani është vetëm ish-ministri i Mjedisit, Lefter Koka.

Inceneratorët ishin projekte të ndërtuara me fondet e shtetit shqiptar, ndaj ishte buxheti që duhej të përballonte këto pagesa fiktive të përvetësuara nëpërmjet kësaj skeme.

Sipas SPAK, buxhetit të shtetit i është shkaktuar rreth 3.7 milionë duro dëm. Prokuroria thotë se Lefter Koka ka marrë para në mënyrë të tërthortë, nëpërmjet krijimit të një skeme fiktive.

Nga hetimet e kryera, SPAK konfirmon se u provua se është shkelur ligji gjatë procedurës së ndjekur për dhënien e koncensionit dhe lidhjen e kontratës me shoqërinë ?Albtek Energy? sh.p.k, me negocim dhe pa shpallje paraprake të njoftimit.

Organi i akuzës thotë se leja koncesionare dyshohet se është marrë nëpërmjet ryshfetit, ndërsa kompania me pronare Stela Gugalljen, i lëshonte fatura fiktive për punë të pakryera kompanisë së Klodian Zotos./CNA.al

Lajmet e fundit nga