E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Nesho: Putin presion perëndimit për të rikthyer lavdinë e ish-Bashkimit Sovjetik

22 Shkurt 2022, 19:33, Aktualitet CNA

Njohja e rajoneve separatiste në Ukrainën Lindore nga Rusia dhe rritja e tensioneve mes Rusisë dhe Perëndimit kanë qenë në qendër të diskutimeve. Për diplomatin Nesho synimet e Putin janë të qarta, pasi kërkon të ndajë Ukrainën në dy pjesë dhe i bën presion Perëndimit.

Në një intervistë për emisionin Debat me Alba Alishanin në A2CNN, ai tha se Putin do që të rikthejë lavdinë e ish-Bashkimit Sovjetik përmes lëvizjeve të paskrupullta dhe agresive. Ky sipas Neshos, është një moment kritik, pasi është një fuqi revizioniste për një ndarje të re gjeopolitike të Europës.

?Ideja e Putin është që të marrë pjesë në samit të madh ku Rusia të jetë e barabartë me fuqitë perëndimore për të patur diçka nën kontroll dhe të ketë prioritet. Është një lloj presioni për të rikthyer lavdinë e ish-Bashkimit Sovjetik kërkon të luajë me perëndimin që kërkon ta menaxhojë situatën në bazë të rregullave, është lëvizje e pritshme që nuk ka skrupuj është tepër agresiv prandaj Rusia shihet si fuqi revizioniste. Ka një tentativë nga Kina dhe rusa për të vendosur rregullat e tyre. Teoria e respektimit të zonave të influencës kompromenton bashkëjetesën paqësore dhe rregullat. Këto veprime agresive do ta përshkallëzojë veprimin e komunitetit europian. Synimet e Putin janë të qarta, e para që statusi i Ukrainës të jetë neutral, me këto veprime kërkon që të ndajë Ukrainën në dy pjesë. Ai kërkon që të mos shkojë në konflikt të armatosur se do jetë shkatërrues për të gjithë botën. Ai do kërkojë të imponojë në bazë të forcës që të ulet në perëndim dhe perëndimi të çedojë dhe ky është një moment kritik. Është fuqi revizioniste e një ndarje të re gjeopolitike të gjithë Europës. Rusia ka një funksion dhe fuqi vetëm nëpërmjet Europës. Nuk mund ta luajë dot këtë rol në Azi. Këtu futet edhe problemi i Ballkanit ku influenca ruse nuk ka hequr dorë?, tha ai.