E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

I përfshirë në aferën e inceneratorëve/ Sekretari i Ramës “fajëson” ministritë

22 Shkurt 2022, 14:31, Aktualitet CNA

Sekretari i përgjithshëm i Këshillit të Ministrave Ëngjëll Agai është duke dëshmuar në komisionin hetimor për aferën e inceneratorëve.

Ndonëse sekretari i Ramës është i përfshirë në këtë aferë si dhe i akuzuar edhe nga opozita si personi përgjegjës, ai nisi të justifikohet se ndaj tij është hedhur baltë padrejtësisht, ka ?fajësuar ministritë përkatëse për këtë aferë. Sipas tij, kanë qenë institucione të tjera që kanë përzgjedhur fituesin dhe qeveria më pas ka miratuar një vendim, ku miratohet mbështetja për vijimin e një kontrate të tillë nga Ministria e Mjedisit.

?Është thënë padrejtësisht se Këshilli i Ministrave ka dhënë një autorizim për këto procedura, ky fakt nuk është i vërtetë.

Ju lutem më lini pak kohë ta mbaroj. Unë nuk jam një politikan, hera e parë që kam mundësi të sqaroj këtë gjë. Ajo që ka më shumë rëndësi, për këtë komision hetimor është që Këshilli i Ministrave nuk ka miratuar kurrë projekt-aktin ku ju u referuat. Nuk është propozuar kurrë për shqyrtim dhe prandaj nuk është miratuar kurrë. Është shumë e thjeshtë për ta verifikuar.

Dua të sqaroj përfundimisht atë që rezulton në shkresa dhe në akte. Është thënë pafundësisht se në lidhje me një vendim sipas të cilit Këshilli i Ministrave ka miratuar një vendim për autorizimin e procedurës. Ky fakt nuk është i vërtetë. Sekretari i Përgjithshëm i Këshillit të Ministrave nuk ka asnjë kompetencë mbi ligjin e koncensioneve apo të prokurimeve publike.

Ndërkohë që fliste Agaçi, ndërhyri Tabaku duke kërkuar që ai të fokusohej në pyetjet që i bëheshin.
Vendimet e qeverisë kanë një procedurë që rregllohen nga ligji organik për funksionimin e Këshillit të Ministrave dhe publikohen në Fletoren Zyrtare.

Kushdo mund ta verifiojë që kjo është e pavartetë. Kanë qenë institucione të tjera që kanë përzgjedhur fituesin dhe qeveria më pas ka miratuar një vendim, ku miratohet mbështetja për vijimin e një kontrate të tillë nga Ministria e Mjedisit?, tha Agaçi./E.K-CNA.al