LEXO PA REKLAMA!

SHKARKO APP

Komisioni Hetimor i Inceneratorëve/ Braimllari: Tabaku po i shërben turpshëm Veliajt

22 Shkurt 2022, 12:16, Aktualitet CNA
Komisioni Hetimor i Inceneratorëve/ Braimllari: Tabaku po i shërben

Sekretari i Përgjithshëm i LSI, Endrit Braimllari ka deklaruar se kryetarja e Komisionit  Hetimor të Inceneratorëve, Jorida Tabaku po i bën një shërbim të turpshëm kryebashkiakut Erion Veliaj duke e kthyer komisionin në komision justifikimi të korrupsionit mbi inceneratorët.

Përmes një statusi në rrjetet sociale, Braimllari i bën thirrje SPAK të hetojë,  pasi në këtë aferë janë implikuar pushteti qendror, ai vendor, kryeministri, ministrat, kryetarët bashkive.

?Jorida Tabaku po i bën shërbimin më të turpshëm Erion Veliajt dhe rilindjes duke e kthyer komisionin hetimor në komision justifikimi të korrupsionit mbi inceneratorët.

Ne presim nga SPAK që të mos jetë i intimiduar dhe i shitur siç po tregon shumica e deputetëve të komisionit, që po amnistojnë korrupsionin shtetëror!

Hetimi i SPAK do të rithemelojë në fakt të ardhmen e shtetit demokratik shqiptar, pasi në këtë aferë janë implikuar pushteti qendror, ai vendor, kryeministri, ministrat, kryetarët bashkive.

SPAK dhe drejtësia e re do të ndajë nëse do jemi shtet ligjor, apo do të ligjërojnë korrupsionin, vjedhjen dhe shpërdorimin e detyrës, që taksat e qytetarëve të Tiranës i çojnë për bileta avioni, evazion fiskal dhe vjedhje votash?, shkruan Braimllari .

Lajmet e fundit nga