LEXO PA REKLAMA!

SHKARKO APP

Tensionet në “5 Maj”/ Të lënduar 8 efektivë policie

22 Shkurt 2022, 09:54, Aktualitet CNA

Vijon shembja e banesave në zonën 5 Maj, nga ku dhe ka patur tensione mes policisë dhe banorëve, të cilët kanë kundërshtuar shembjen e shtëpive të tyre.

Sipas njoftimit të policisë, nga përplasjet me banorët janë dëmtuar ën detyrë 5 punonjëse të Policisë së Shtetit dhe 3 punonjës të Policisë Bashkiake.

Ata janë dërguar në spitalin e Traumës ku dhe kanë marrë ndihmën mjekësore. Ndërsa janë shoqëruar disa banorë të cilët sipas policisë kanë dhunuar efektivët.

?Sot në orët e para të mëngjesit, në zbatim të vendimit për shembjen e disa banesave në rrugën “5 Maji”, gjatë rezistencës së banorëve, janë dëmtuar në detyrë 5 punonjëse të Policisë së Shtetit dhe 3 punonjës të Policisë Bashkiake. Ata kanë marrë dëmtime nga sende të forta dhe lëndë djegëse dhe ndodhen në Spitalin e Traumës, duke marrë ndihmën mjekësore.

Strukturat e DVP Tiranë, të angazhuara në planin e punës, në mbështetje të strukturave të IMT-së dhe Policisë Bashkiake, janë mbështetur më pas nga FNSH që kanë normalizuar situatën dhe kanë krijuar mundësinë për vijimin e shembjeve.

Policia e Tiranës ka shoqëruar disa persona në Komisariat dhe cilido që ka ushtruar dhunë ndaj punonjësve të Policisë, do përballet me ligjin.

Policia e Shtetit apelon për këdo të ndalë e shmangë aktet e dhunës mbi forcat e rendit, në të kundërt do të përballen me forcën e ligjit?, njofton policia./A.E-CNA.al

Lajmet e fundit nga