web counter
LEXO PA REKLAMA!

SHKARKO APP

App Store
Google Play

E fundit!

x

21 Janari, Lulzim Basha dhe marrëveshja me Ramën

4 Shtator 2023, 14:08, Editorial CNA
21 Janari, Lulzim Basha dhe marrëveshja me Ramën
Edi Rama dhe Lulzim Basha

Njerëzit që dinë të lexojnë politikisht, po e kuptojnë shumë mirë se një marrëveshje Rama-Basha nuk ka filluar dhe nuk është thjesht dhe vetëm një datë në festën e LGBT-ve në kryesinë e Kuvendit në kryeqytet, në vitin 2017, pra 6 vite më parë.

Marrëveshja Rama-Basha, rrënjët i ka më të thella, shkon shumë larg.

Lulzim Basha përjashtoi Berishën nga kryetari i grupit parlamentar menjëherë pasi filloi sezoni i ri në vitin 2021 pasi doktori ishte shpallur “non grata” nga SHBA-ja.

Në atë moment Basha u shfaq hapur me një mbështetje të padiskutueshme nga kryeministri Edi Rama, megjithëse ai e tallte dhe ironizonte keqas.

Gjithsesi, tallja dhe ironizimi i kryeministrit e faktorizonin dhe mbanin në lojë dhe në treg Lulzim Bashën.

Luli ka qenë i bindur se mund të ishte ai trashëgimtari i fronit të PD-së që kur PD ishte në pushtet gjatë viteve 2005-2013.

Shëtiti tri ministri, krijonte lobin e tij, klanin e tij, për të marrë kreun e PD-së. Ndërkohë Rama po përgatitej për kryeministër dhe Berisha ishte në largim.

21 Janari, Lulzim Basha dhe marrëveshja me Ramën
Foto ilustruese

Berisha donte dhe goditjen e brendshme. Lulzim Basha krijonte fraksione, përçarje, konflikte, skandale, të cilat nuk i shërbenin kujt tjetër veçse opozitës. E ndërkohë u përball me Ramën dhe Rama i dorëzoi bashkinë qetësisht.

Ngjarja e 21 Janarit, 4 viktima, Basha ministër i Brendshëm 

21 Janari, Lulzim Basha dhe marrëveshja me Ramën

Por përpara se Luli të merrte zgjedhjet lokale në 21 janar 2011, pas një proteste mbi një video të publikuar nga emisioni “Fiks Fare”, të bërë nga i ndjeri ish-ministri Dritan Prifti, mbetën 4 qytetarë të vrarë në bulevard.

Një protestë kur ministër i Brendshëm ishte Lulzim Basha dhe në atë kohë doli me foto mbi godinën e kryeministrisë duke parë turmën e qytetarëve.

Më pas nuk foli asnjë ditë, por hoqi përgjegjësinë nga vetja dhe ia la atë Berishës, pasi pretendonte se nuk e kishte komanduar ai gardën në atë ngjarje.

Në fakt dhe për këtë arsye ai nuk duhet të ishte në krye të institucioneve të shtetit shqiptar pasi ai kishte braktisur detyrën, por gjithë zinxhirin komandues e ka pasur në kontroll thjesht dhe vetëm Lulzim Basha.

Del një video e Ilir Metës nga brenda kabinetit të Berishës, bën protestë opozita dhe ministri i Brendshëm vret 4 veta. Më pas shkon dhe merr bashkinë e kryeqytetit. 4 të vrarë kur Lulzim Basha ishte ministër në detyrë dhe Rama i dorëzon bashkinë me dashuri.

Nuk zgjat shumë dhe kryeministër i vendit bëhet Edi Rama dhe Lulzim Basha kryetar i opozitës.

Sesioni i parë parlamentar ka mungesën e kryetarit të kësaj partie, por tek i dyti del pastër dhe dashuria e tyre apo marrëveshja e filluar në vitin 2011 që atje ku pati viktima dhe koha na ka treguar se ajo ngjarje nuk u zbardh kurrë e plotë.

10 vjet në pushtet PS nuk u zbardh ngjarja e 21 janarit dhe askush nuk mund të thotë se pas tyre nuk mund të qëndrojë Lulzim Basha si ish-ministër i Brendshëm në përgjegjësinë e tij. Dhe kjo s’i intereson Ramës që të zbardhet, pasi e do Lulin që ta ketë atje gjithmonë.

21 Janari, Lulzim Basha dhe marrëveshja me Ramën

Në 2017 Luli hapi fjalën se në shtator do të vinte në pushtet. E kishte zgjidhur me Ramën. Të njëjtën gjë tha në 2021 ku përjashtoi Berishën se PD do të bëhej forcë evropiane dhe do të ecte përpara dhe tani i ngelur me 8 apo 9 deputetë kërkon të kapë gjithçka, të marrë PD-në, të jetë kryetar, të jetë sekretar i Përgjithshëm, të jetë kryetar grupi, nënkryetar, kandidat për kryetar bashkie, kandidat për kryeministër, kandidat për deputet e kështu me radhë.

Dhe vazhdon të respektojë pa ndalim marrëveshjen e filluar më shumë se një dekadë më parë. Që fillon tashmë me shumë më pak dyshime, që përpara vitit 2011 dhe ende vazhdon e këtë e tregojnë veprimet dhe ngjarjet që kanë ndodhur.

Mjafton t’i rendisim, të bëjmë kronologjinë e tyre që nga 21 janari e deri më sot.

Nga 4 viktimat kur ministër i Brendshëm ka qenë Lulzim Basha te parlamenti sot ku Luli kërkon të mbajë çdo post të mundshëm, thjesht dhe vetëm për t’i shërbyer marrëveshjes me kryeministrin e tij, bërë më shumë se 12 vite më parë, që thjesht shton pasuritë e Lulzim Bashës, ndërsa kryeministri mban fort kabinetin e tij, qeveris vendin i qetë, pa problematika sepse siguresa e tij është marrëveshja me Lulzim Bashën mbi një dekadë më parë./ CNA

 





13:57 Editorial

SPAK FOREVER!

SPAK-u ka goditur sot një nga grupet më të fuqishme krimin...

13:14 Editorial

Gazetarët e Tigrit!

Është shumë e lexueshme tashmë strategjia e urdhëruar ...

Lajmet e fundit nga