LEXO PA REKLAMA!

SHKARKO APP

Ndjesat e Lulit që zgjatin pushtetin e Edi Ramës

2 Shtator 2023, 13:00, Editorial CNA
Ndjesat e Lulit që zgjatin pushtetin e Edi Ramës
Foto ilustruese

Lulzim Basha është i lexueshëm. Nuk ngjall më asnjë kuriozitet, asnjë fakt politik apo veprim i tij nuk është i palexueshëm.

E në të tilla raste për një poltiikan fjalia e vetme është “Nuk bën”. Luli sërish u soll si një papagall. Doli para demokratëve dhe kërkoi ndjesë.

Ndjesat e Lulit që zgjatin pushtetin e Edi Ramës

Kërkoi ndjesë ndaj demokratëve pasi sulmoi PD , Berishën, shumicën e anëtarësisë, të cilën në fakt Basha e kishte manipuluar edhe më parë. Tani kanë mbetur një pakicë.

Janë mbledhur një grup Anti-Berishistë, njerëzit të klanit të Lulit , të mbështeturprej tij, të paguar apo edhe ata që nuk kapin ndonjë ofiç tek Saliu përfundojnë tek Luli.

Por lind pyetja: Për të satën herë kërkon ndjesë Lulzim Basha?

Kërkoji ndjesë në Kuvendin e 2014-tës. Për çfarë? Për pushtetin e Saliut që nuk qe sjellë si duhet. Në fakt ky ishte njeriu kryesor i pushtetit të Saliut. Tre postet e rëndësishme ministrore, të treja janë me skandale.

Që nga ministër i Brendshëm, ministër i Jashtëm dhe ministër i Transporteve. Kujtojmë këtu skandalin me ujërat teritoriale, skandalin e ministrisë me pasaportat e deri tek “Rruga e Kombit”, vjedhja e provuar nga Kontrolli i Lartë i Shtetit.

Kërkoji ndjesë për humbjen e 2017-ës. Për çfarë?

Ndjesat e Lulit që zgjatin pushtetin e Edi Ramës
Edi Rama dhe Lulzim Basha, marrëveshja

I mori vetë, i futi demokratët në çadër, i torturoi, bëri marrëveshje me Ramën. Mori dhe disa ministra, filluan pazaret me kryeministrin , pushtet dhe miliona euro për familjarët e tij.

Në 2021 kërkoi prapë ndjesë ndaj demokratëve. Humbi, i zgjati mandatin Ramës, i dha të tretin dhe për t’i dhënë të katërtin çfarë nuk po bën.

Problemi nuk qëndron tek fakti që Luli përjashtoi Saliun. Jo aspak. Luli donte të ishte në krye të PD që të vazhdonte pazaret me kryeministrin për t’i zgjatur mandatin këtij të fundit.

Luli nuk donte të bëhej kryeministër megjithëse demokratët e mbështetën , i dhanë gjithçka thjesht dhe vetëm që ai të zgjidhej.

Tani bën sikur nuk është më ai i pari sikur ky do të sjellë ndryshime të mëdha.

Në fakt të gjithë ata që shpresojnë duhet ta dinë. Luli s’ka për të bërë asgjë .Thjesht dhe vetëm edhe në rast se do të ketë ca zgjedhje do të marrë ndonjë mandat deputeti dhe të hyjë në qeveri me Edi Ramën apo të jetë faktori politik në lojë për të mundur që të ketë pazare me kryeministrin dhe të mbajë peng sa më gjatë opozitën.

Ndjesat e Lulit që zgjatin pushtetin e Edi Ramës

Kjo është ajo që po bën Luli dhe nuk i ndjell askujt asnjë kërshëri. Luli është thjesht një politikan i të shkuarës që është një njeri i akuzuar për korrupsion, skandalozi ministër i 21 janarit, njeriu që për 10 vite çfarë s’ka marrë nga PD dhe opozita dhe çfarë nuk mori për 8 vite në pushtet.

Pra, ka gati 18 vjet Lulzim Basha që merr dhe vetëm merr nga PD, poste ministrore, kryetar partie, kryetar bashkie dhe tani del dhe kërkon ndjesë. Për çfarë kërkon ndjesë. Nuk i beson më kush ndjesat e Lulit.

Luli është thjesht një i paaftë dhe i dështuar që nuk di të bëjë asgjë . Dhe fjalimet që bën , ata që ia shkruajnë, përsërinin të njëjtat fjalë .

Hapni dhe shikoni ç’ka thënë në Kuvendet e mëparshme që të kuptoni se kush është niveli i Lulzim Bashës. Dhe për gjendjen ku ndodhet PD personi përgjegjës kryesori dhe i vetmi është Lulzim Basha, sepse ka qenë asnjëherë aktor dhe faktor, por tashmë është kthyer në përfaqësues i një pakice që duan të mbajnë peng opozitën./ CNA

 

13:57 Editorial

SPAK FOREVER!

SPAK-u ka goditur sot një nga grupet më të fuqishme krimin...

13:14 Editorial

Gazetarët e Tigrit!

Është shumë e lexueshme tashmë strategjia e urdhëruar ...

Lajmet e fundit nga