LEXO PA REKLAMA!

SHKARKO APP

Ku shkuan 110 milionë euro të inceneratorit të Tiranës?

22 Gusht 2023, 14:02, Editorial CNA

Ku shkuan 110 milionë euro të inceneratorit të Tiranës?

Një kontratë koncesionare e firmosur në vitin 2017. Janë jo pak, por deri në fund të vitit 2022 apo edhe fillimit të 2023-shit, shifrat e dhëna zyrtarisht shkojnë rreth 110 milionë euro të ardhura.

Pra, kompania e inceneratorit rreth 60 milionë euro i ka marrë nga qeveria në 6 vite gati si pagesa nga granti i pakushtëzuar nëpërmjet Bashkisë së Tiranës, plus pagesat e bëra nga Bashkia e Kavajës dhe Bashkia e Durrësit, dhe nga ana tjetër janë mbi 50 milionë euro të ardhura të gjeneruara nga biznesi.

Ku shkuan 110 milionë euro të inceneratorit të Tiranës?
Foto ilustruese

Dhjetëra milionë euro  

Janë 110 milionë euro të ardhura. CNA e ka deklaruar shpesh këtë shifër dhe i kemi qëndruar sipas të dhënave zyrtare dhe bilanceve që ka deklaruar kompania, e cila pretendon se në vitet e fundit qarkullon 20-25 milionë dollarë në vit, me një fitim vjetor nga 6-7 milionë dollarë, sipas të dhënave dhe vetëdeklarimeve të kompanisë janë investuar rreth 30 milionë euro.

Në fakt, në dokumente, komunikimi mes investitorëve, shifra që deklarohet, që duket më e besueshme dhe e vërtetë, është diku te rreth 22 milionë euro.

Një numër shifrash që mund të krijojnë kakofoni, por një aritmetikë e thjeshtë zbulon një skemë të madhe vjedhjeje, mashtrimi, abuzimi, të cilën duhet që ekspertët e SPAK-ut ta shohin në detaje në rast se duan t'i shkojnë deri në fund të vërtetës.

Ku shkuan 110 milionë euro të inceneratorit të Tiranës?

Janë 110 milionë euro të ardhura, kompania pretendon se ka investuar 30 milionë euro, shifra e dhënë prej tyre është diku te 22 milionë euro në dokumente të tjera, por le të marrim të mirëqenë shifrën 30 milionë euro, vlera e mbetur është rreth 80 milionë euro.

Çfarë është bërë me 80 milionë euro në 6 vite?

Beton, kapsulim, punonjës? Në fakt, kompania “Integrated Energy BV SPV” të gjitha punët i ka kryer me kontraktime (ka dhe faktura fiktive siç ishte rasti i "ITS" një faturë 5 milionë euro) dhe këtu qëndron dhe thembra e Akilit.

Shifra të fryra investimesh, shifra të fryra shpenzimesh, lekët “humbin” rrugës.

Ka dhe shumë të tjera dhe për të zbërthyer skemën e merimangës së inceneratorit të Tiranës do të sjellim disa detaje.

SKEMA E MERIMANGËS

Skema e merimangës ka disa të dhëna. Ka transferta që duhen hetuar ku kanë shkuar lekët. Pra, mjafton që nëpërmjet transfertave bankare, numrave të llogarisë të kompanisë “Integrated Energy BV SPV” të kontrollohen dy detaje, pra transfertat e kryera nga kompania dhe nënkontraktorët.

Kështu, skema e merimangës do të zgjidhet shpejt dhe mali i madh me dokumente do të faktojë të gjitha lidhjet, të cilat shkojnë, siç CNA e ka deklaruar, deri në kompani guacka, shkojnë në Maltë, në kompaninë e Mirel Mërtirit dhe ka dyshime gjatë hetimeve se shkojnë dhe në “offshore” të tjera.

Pagesat e inceneratorit të Tiranës nuk duhen parë vetëm te paguesi i parë, sepse lidhjet janë edhe më të thella, ka një transfertë që çohet diku si nënkontraktim punimesh, të cilat nuk kryejnë asnjë punë e më pas paratë kanalizohen te persona të tjerë.

Nga ana tjetër, ajo që duhet verifikuar për t’u kuptuar se ku kanë shkuar paratë janë transfertat e bëra jashtë. Kush janë personat e përfshirë dhe përfituesit e këtyre e parave.

Janë dhjetëra miliona euro në 6 vite të shqiptarëve të varfër, të cilët kanë paguar me taksa një incenerator që nuk ekziston dhe ndërkohë pretendohet se kemi thjesht një skemë mashtrimi me një faturë 4-5 milionë euro. Jo, kjo është e pavërtetë.

Janë dhjetëra miliona euro të tjera, të cilat i përkasin merimangës korruptive dhe mashtrimit të bërë me inceneratorin e Tiranës. Që nga kontrata fillestare që fillon me futjen dhe heqjen e dy kompanive të huaja dhe deri te pagesat, te transfertat e bëra jashtë dhe te nënkontraktorët e kompanisë, për ata që kanë kryer punime dhe për ata që nuk kanë kryer punime.

Ku shkuan 110 milionë euro të inceneratorit të Tiranës?

Hetimi dhe zbardhja e kësaj skeme merimangë në përfundim përtej tre emrave klasikë tashmë, Stela Gugallja, Mirel Mërtiri apo Klodian Zoto, do zbulojë kush janë përfituesit e tjerë në skemën e ndërtuar të inceneratorit të Tiranës./ CNA

 

13:57 Editorial

SPAK FOREVER!

SPAK-u ka goditur sot një nga grupet më të fuqishme krimin...

13:14 Editorial

Gazetarët e Tigrit!

Është shumë e lexueshme tashmë strategjia e urdhëruar ...

Lajmet e fundit nga