LEXO PA REKLAMA!

SHKARKO APP

Inceneratori i Tiranës/ SPAK dhe Monitor rikonfirmojnë denoncimet e CNA

2 Gusht 2023, 14:11, Aktualitet CNA

Inceneratori i Tiranës/ SPAK dhe Monitor rikonfirmojnë denoncimet e

Ditën e djeshme, Prokuroria e Posaçme kundër Korrupsionit dhe Krimit të Organizuar (SPAK) njoftoi se ka sekuestruar inceneratorin e Tiranës.

SPAK zbuloi faktet që kishte mundur të sigurojë, të konfirmojë, apo të verifikojë në lidhje me landfillin e Tiranës, pas së cilit fshihen Mirel Mërtiri dhe Klodian Zoto.

Edhe Revista Monitor bëri dje një shkrim të gjatë me të dhëna dhe fakte për aferën e inceneratorëve, për paratë që janë marrë nga taksat e shqiptarëve dhe për përfitimet e paligjshme të njerëzve të inceneratorëve.

Në fakt, Revista Monitor thjeshtë dhe vetëm konfirmoi atë që ka shkruar prej vitesh CNA, e cila ka qenë një nga të parat media që e ka denoncuar aferën e inceneratorëve, ka publikuar fakte, dokumenta ekskluzivë, shifra dhe ka zbuluar lidhjet e njerëzve që kryen korrupsionin dhe megavjedhjen si një grup i strukturuar.

Inceneratori i Tiranës/ SPAK dhe Monitor rikonfirmojnë denoncimet e

Inceneratori i Tiranës/ SPAK dhe Monitor rikonfirmojnë denoncimet e

Të njëjtën gjë bëri edhe Prokuroria e Posaçme. SPAK konfirmoi jo vetëm atë që ka shkruar CNA, por edhe atë që kanë raportuar disa media si Birn, TPZ apo edhe gazetarë të tjerë, të cilët kanë qenë rojtarë të së vërtetës përballë një gënjeshtre të madhe që na përcillej si sukses nga mediat e paguara të inceneratorëve.

“Nga aktet e administruara deri në këtë fazë të hetimit, në lidhje me kontratën e koncesionit nr. 6597 prot, datë 31.08.2017 “Ndërtim landfilli, inceneratori dhe rehabilitimi i vendepozitimeve ekzistuese, Tiranë”, lidhur mes Autoritetit Kontraktor Ministria e Mjedisit dhe shoqërisë “Integrated Energy B.V. S.P.V.” sh.p.k,, me kosto të investimit të parashikuar në kontratën koncesionare në vlerën 128,248,330 Euro (njëqind e njëzet e tetë milion e dyqind e dyzetë e tetë mijë, e treqind e tridhjetë) pa TVSH, ka rezultuar se shtetasit Klodian Zoto dhe Mirel Mërtiri janë pronarët “de facto” të shoqërisë “Integrated Energy B.V SPV” sh.p.k, e cila ka fituar kontratën koncesionare “Ndërtim landfilli, inceneratori dhe rehabilitimi i vendepozitimeve ekzistuese, Tiranë”, si dhe janë pronarët “de facto” të shoqërisë mëmë të saj, të themeluar në Hollandë, “Integrated Energy B.V”, ndryshuar më pas me emrin “Geogenix B.V”.

Nga provat e marra gjatë hetimit ka rezultuar se, shtetasit Klodian Zoto dhe Mirel Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k.”, thuhet në njoftimin e SPAK ndër të tjera.

Tashmë që denoncimet e CNA janë faktuar edhe nga SPAK, pritet që institucionet e drejtësisë të kapin dhe vënë para përgjegjësisë organizuesit edhe kësaj afere si dhe gazetarët, të cilët bashkëpunuan me “kokat” e kësaj afere për të dezinformuar për vite me radhë qytetarët e thjeshtë./ CNA.al

Inceneratori i Tiranës/ SPAK dhe Monitor rikonfirmojnë denoncimet e

Lajmet e fundit nga