LEXO PA REKLAMA!

SHKARKO APP

Balla takon Inspektorin e Lartë të Drejtësisë/ Kërkon ndëshkim të magjistratëve që shkelin ligjin

2 Gusht 2023, 11:06, Aktualitet CNA

Balla takon Inspektorin e  Lartë të  Drejtësisë/ Kërkon

Ministri i Brendshëm Taulant Balla ka zhvilluar këtë të mërkurë një takim me Inspektorin e  Lartë të  Drejtësisë, Artur Metani.

Ballan gjatë takimit ka shprehur shqetësime, lidhur me disa vendimarrje të magjistratëve, si dhe lidhur me shmangien në disa raste të ndëshkimeve të ashpra në rastet e armë-mbajtjes pa leje.

Inspektori i  Lartë i  Drejtësisë, Metani tha se do të ketë angazhim maksimal për verifikimit të rasteve të tilla, si dhe trajtim të tyre me prioritet.

Metani garanton se çdo magjistrat që shkel ligjin do të ndëshkohet.

Inspektori i Lartë i Drejtësisë, Metani dhe Ministri i Brendshëm, Balla bashkëndanë vullnetin e dy institucioneve që drejtojnë, për rritjen e bashkëpunimit, duke theksuar nevojën për shkëmbimin e informacioneve apo të dhënave në rrugë zyrtare, mbi sjellje apo vendimmarrje konkrete të magjistratëve, të cilat mund të përbëjnë shkelje disiplinore dhe duhet të trajtohen nga ana e Zyrës së Inspektorit të Lartë të Drejtësisë./CNA.al

Lajmet e fundit nga