web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e dyfishtë në Maliq/ Balla falënderon policinë: Do bëj gjithçka për ju

30 Korrik 2023, 13:53, Aktualitet CNA

Vrasja e dyfishtë në Maliq/ Balla falënderon policinë: Do

Ministri i Brendshëm, Taulant Balla, ka reaguar për ngjarjen në Maliq, ku një 55-vjeçar vrau bashkëshorten dhe më pas edhe veten.

Balla ka publikuar foto me strukturat e policisë së Korçës dhe i falënderon ata për kryerjen e detyrës edhe në kushtet e kërcënimit për jetën.

Me anë të një statusi në rrjetet sociale, ai ka deklaruar se do të bëjë gjithçka që efektivët të ndihen gjithmonë e më të respektuar, më të vlerësuar e më të shpërblyer.

“Falenderoj nga zemra forcat e Policisë së Shtetit të Drejtorisë Vendore Korçë për kryerjen e detyrës gjatë gjithë natës së mbrëmshme deri sot në mëngjes në Maliq edhe në kushtet e kërcënimit për jetën.

Dua t’ju siguroj se do të bëj gjithçka që ju të ndjeheni gjithnjë e më të respektuar, gjithnjë e më të vlerësuar, gjithnjë e më të shpërblyer për atë që beni për këtë vend! Dua t’i përcjell një përqafim vëllazëror prindërve tuaj, bashkëshorteve, fëmijëve tuaj, motrave e vëllezërve tuaj, të cilët janë mbështetja juaj më e madhe, po janë edhe ata që më shumë se sa askush e përjetojnë peshën e uniformës suaj, për të cilën ju jeni gati të vini në rrezik edhe vetë jetën tuaj! Kjo është një ditë për t’i kujtuar edhe kolegët tuaj që nuk jetojnë më, pikërisht sepse dhanë jetën në krye të detyrës, e për të përsëritur angazhimin e Kryeministrit Edi Rama për të mbështetur familjet e fëmijët e tyre deri në fund, jo vetëm falë statusit të tyre të Fëmijëve të Republikës, po edhe në çdo hap të rrugës së tyre, ku vërtetë boshllëkun e babait nuk e zevendson dot askush dhe asgjë, po ku ata nuk do të jenë kurrë vetëm!”, ka shkruar ministri./ CNA.al





Lajmet e fundit nga