LEXO PA REKLAMA!

SHKARKO APP

Ibsen Elezi: Berisha dhe Basha po shkojnë drejt copëtimit

29 Korrik 2023, 15:13, Aktualitet CNA

Ibsen Elezi: Berisha dhe Basha po shkojnë drejt copëtimit

Ish kandidati për kreun e Partisë Demokratike, Ibsen Elezi, ka deklaruar se ish kryeministri Sali Berisha dhe Lulzim Basha me veprimet e tyre tregojnë se po shkojnë drejt një rruge copëtimi.

“Unë kam qenë shumë i kufizuar të deklaroj që këta e kanë të qëllimshme sepse njeriu duhet të ketë argumente të forta të akuzojë dikë që po e bën qëllimisht, por shumë nga veprimet e tyre, sidomos gjatë këtij 2-vjeçarit të fundit tregojnë se ata po shkojnë drejt një rruge copëtimi”, u shpreh Elezi.

Ndër të tjera në një intervistë për Euronews, Elezi thotë ndër të tjera se nëse do të kishte vullnet nga të dyja palët do të realizohej një proces i përbashkët.

“Në këto kushte secili do të verifikonte se cila ishte pesha e vet brenda Partisë Demokratike dhe secili do të ishte në pozicionin e vet brenda asaj partie sepse unë nuk mund të them thjesht nuk e dua Lulzim Bashën. Lulzim Basha nëse ka anëtarë të Partisë Demokratike që e duan mund të ketë fraksionin e vet brenda Partisë Demokratike sepse nuk mund t’i përjashtosh njerëzit brenda një partie,” , u shpreh Elezi./ CNA

Lajmet e fundit nga